593. శిశిరం శివం

 

శిశిరం శివం

• ఈ    శిశిరం     శివం

  ఈ    బంధం    అమరం.

• శివుని తో    బంధం   శిశిరం.

  అది  యుగ  యుగాల

  అంతర   సమ్మేళనం.

• ఈ     శిశిరం      శివం

  ఈ     బంధం     అమరం.

• శివుని తో    పయనం   వందనం

  అది    ఈ జన్మకు      నందనం.

• ఈ    శిశిరం    శివం

  ఈ    బంధం  ‌ అమరం.

• విధివంచిత      వీరులకు

  వరము  లిచ్ఛు   వైరాగ్యుడు . . .   

  శివుడు.

• జప  తపములు  ఎరుగకున్న 

  జ్ఞాన   మిచ్చు   సాగరుడు . . .

  ఈశ్వరుడు.

• మణులు   అడగడు 

  మాణిక్యా  ల సలే    అడగడు.

• శివుడు    అడిగేది    స్మృతి   ఒక్కటే.

• టీచరు   అని    గౌరవిస్తే 

  విద్యార్థి గా    చేర    దీస్తాడు.

• సద్గురువు    అని   భావిస్తే 

  శిష్యరికం     ఇస్తాడు.

• తండ్రి   అని    . . .   తండ్రి   అని 

  ప్రేమ గ     పిలిస్తే

  తన    వారసత్వం    ఇస్తాడు.

• ఈ   శిశిరం   శివం

  ఈ   బంధం   అమరం.

• శివుని తో    బంధం   శిశిరం.

  అది  యుగ  యుగాల

  అంతర    సమ్మేళనం.

• ఈ   శిశిరం   శివం 

  ఈ    బంధం   అమరం 

• శివుని తో   పయనం    వందనం

   అది    ఈ జన్మకు     నందనం.

శిశిరం = చల్లని , అంతరిక్షం , ఆకాశం,  బుతువు.

అమరం = మరణం లేనిది.

యడ్ల శ్రీనివాసరావు 28 Jan 2025, 8:30 PM

592. నాగ సాధువులు

 

నాగ సాధువులు

• మనసు కి శక్తి ఉంటుందా?. అవును మనసు కి శక్తి ఉంటుంది.   అసలు శక్తి  నిల్వ ఉండేదే మనసు లో. కానీ  నేటి కాలం  మనిషి  పూర్తిగా  పూర్తిగా  ఈ విషయం మరచిపోయాడు.   ఆ శక్తి తో ఎటువంటి అద్భుతమైనా  సృష్టించవచ్చు.  మనసు తో సంకల్పాలు   చేయవచ్చు.  సేవ చేయవచ్చు.   ఇందు కోసం ఎక్కడికి పోనవసరం లేదు.  కానీ, ఇవి ఆచరణ కావాలి అంటే   ఉండవలసింది   శుద్ధత.  అంటే ఆలోచనల  కాలుష్యం  లేకుండడం.

• భారతదేశం  నేటికి  అంతో ఇంతో కొంత  సుభిక్షంగా ఉంది అంటే,   విశ్వ కళ్యాణం కోసం , శాంతి కోసం ధ్యానయోగం  చేసే  అనేక మంది  ఆధ్యాత్మికత కలిగిన  వారే కారణం.  వీరి మనసు తో   చేసే శుభ సంకల్పాలు   నిత్యం  ప్రతిధ్వనిస్తూ (vibrations) భారతదేశానికి  రక్షణ కవచం వలే ఉన్నాయి. అందుకే భరత భూమిని   వేద భూమి,  కర్మ భూమి అని అంటారు .   ప్రపంచ క్రిస్టియన్  మతగురువు అయిన పోప్  ఒకసారి భారతదేశం లో  విమానం దిగి అడుగు పెట్టిన వెంటనే,   కిందికి వంగి నేలను  ముద్దాడారు, అంటే అర్థం చేసుకోవచ్చు ఈ నేల మహత్యం.

• ఈ విశ్వ సృష్టి  యొక్క  ఆది మధ్య అంతం యెక్క మూలాలు  భారతదేశంలో నే ఉన్నాయి. ఎందుకంటే భగవద్గీత లో  శ్రీకృష్ణుడు చెప్పిన, భగవంతుని (శివ పరమాత్మ ) యొక్క వాక్యం ఏమిటంటే,

  “యదా యదా హి

  ధర్మస్య   గ్లానిర్భవతి  భారత ”

 

 ధర్మం  నశించిన   ప్రతి కల్పం  నందు 

 భరత భూమి పై   ఆవిర్భావిస్తాను.

• మనసు తో  చేసే  సంకల్పాలతో  ,  సాధ్యం కానిది అంటూ ఏమీ లేదు.  అది మంచి అయినా, చెడు అయినా.  దానిని బట్టే  కర్మ ఫలితం కూడా లభిస్తుంది.

• ప్రస్తుతం  భారతదేశంలో   మహా కుంభమేళ జరుగుతుంది.  ఇది 144 సంవత్సరాల కు  ఒకసారి జరుగుతుంది.  యావత్ ప్రపంచం  దృష్టి  భారతదేశం పైన ఉంది.  ఇక్కడ ముఖ్యంగా  చెప్పుకోవాల్సింది    శివ సాధన  చేసే   లక్షల మంది   నాగ  సాధువులు, అఘోరాలు.  వీరు సాధారణ  సమయం లో  ఎక్కడా కనిపించరు.   హిమాలయాల్లో,   అడవుల్లో,  గుహల్లో నిత్యం  విశ్వ కళ్యాణం కోసం,   ప్రపంచ  శాంతి కోసం ధ్యానయోగం   చేస్తారు.   వీరు   సనాతన ధర్మం పరి రక్షకులు.   పేరుకు,  సాధువులు, యోగులు అయినా,  అధర్మం  పెచ్చరుల్లితుంది  అంటే  యుద్ధం చేసి తీరుతారు.  అందుకు  ప్రతిగా వారి చేతిలో ఆయుధాలు  ఉంటాయి.

• ఇక్కడ   ఈ నాగ సాధువుల  యొక్క , యోగ శక్తి  గురించి చెప్పుకుంటే…..

  ఒక నాగ సాధువు ,  భూమి పై  పెంచే భార్లీ  పంట, తన   తలపై   నాలుగు సంవత్సరాలు గా పెంచుతూ, ప్రపంచ శాస్తవ్రేత్తలకు   భారతీయ  యోగ శక్తి మహత్యం  చూపించాడు.

• మరొక  నాగ సాధువు,  మండుతున్న చితి పై పడుకొని   ధ్యానం చేస్తూ,  ఉన్నాడు.  దీనికి ఆ సాధువు సమాధానం ఏమిటంటే,  చితి నుంచి వచ్చే మంటల ఉష్ణం కంటే పలు రెట్లు అధిక ఉష్ణోగ్రత యోగశక్తి   ద్వారా తన శరీరం లో  ఉంటుంది. అందువలన  ఆ చితి మంటలు,  నా పై  ప్రభావం చూపవు అన్నాడు.

• మరో  యువ సాధువు అభయ్ సింగ్,  బొంబాయి IITలో , Aerospace Engineering, University Topper,  జీనియస్.  ఆధ్యాత్మిక సాధన, శివుని తెలుసుకోవడమే అసలైన జ్ఞానం అని తాను సర్వం త్యజించి సాధువు గా మారానని అన్నాడు. ఇతని వయసు 40 సంవత్సరాల లోపు ఉంటుంది.

• మైనస్ డిగ్రీల  మంచులో, హిమాలయాల్లో ఒంటి మీద పలుచటి  వస్త్రం తో కూర్చుని  ధ్యాన యోగ సాధన నేటికీ చేయడం మరో   సాధువు యోగి సత్యేంద్ర నాధ్   యెక్క  తపో శక్తి కి   నిదర్శనం.

• ఇదొక అద్భుతమైన సంఘటన …. మహా కుంభమేళ ఇంకా రెండు రోజుల్లో ప్రారంభం అవుతుంది అనగా, అక్కడికి ముందుగానే వచ్ఛిన  ఒక నాగ సాధువు, తెల్లవారుజామున 4 గంటలకు నదిలో చలిలో స్నానం చేయడానికి దిగబోతుండగా, అక్కడ నీటిని యంత్రం తో శుద్ధి చేసే పారిశుద్ధ్య కార్మికుడు, ఒక పోలిస్ కలిసి అతనిని అడ్డగించి నదిలో దిగ నివ్వలేదు. ఆ సాధువు అక్కడే గట్టు మీద కూర్చుని యోగం చేయడం ప్రారంభించాడు. కొద్ది సమయం తరువాత నీటిని శుద్ధి చేసే యంత్రం పని చేయడం ఆగిపోయింది. అది గ్రహించిన,   పోలీస్  సాధువు  వద్దకు  వెళ్ళి క్షమించమని,   నదిలో  స్నానానికి  పంపించాడు. తరువాత  వెంటనే  ఆ యంత్రం పని చేయడం ఆరంభం అయింది. ఇది యోగ సంకల్ప బలం, శక్తి, మహిమ.

• ఇవన్నియు   టి.వి.   మీడియా లో   లైవ్ లో  వచ్చిన యధార్థ   సంఘటనలు.

• మనిషి తన మనసు ఆలోచనలు సంకల్పాలు సాధనతో యోగ శక్తి ని పొందగలడు.   ఇందులో అసాధ్యం ఏమీ లేదు.   చెప్పాలంటే  నేడు ఇది ఒక వింత గా అనిపించవచ్చు.  కానీ అనాదిగా భారతీయ సనాతన ధర్మం లో   ధ్యానం , యోగం  అనేవి సగటు మానవుని   జీవన  ప్రమాణాలు….. నేటి కాలంలో ఇవన్నీ విస్మరించి , మరచి పోయి మాయకు పూర్తిగా వశం అయి మనిషి తన నాశనానికి తానే పునాదులు చాలా బలంగా వేసుకున్నాడు … ఇంకా వేసుకుంటూనే ఉన్నాడు.

• ఈ యోగులు,  సాధువులు  అంటే  పిచ్చివాళ్లని , జీవితంలో   ఫెయిల్యూర్స్ అని ,   లౌకికంలో బ్రతకడం  చేతకాని వారని,   పని పాటు లేకుండా కాలక్షేపం  చేస్తారు   అని,  మాయకు వశమైన  అజ్ఞానులు  , మూర్ఖులు ,  హేతువాదులు అంటూ ఉంటారు.   గమనిస్తే,  ఈ నాగ సాధువులు లో  డాక్టర్లు , ఇంజనీర్లు, లాయర్లు, చార్టెడ్  ఎకౌంటెంట్స్,  రచయితలు,  శాస్తవ్రేత్తలు వంటి వారు అనేక  మంది  మేధావులు ఉన్నారు.  వీరిలో  ఎంతో   మంది  ధనవంతులు,  ఉన్నత మైన ఉద్యోగాలు చేసిన వారు ఉండడం విశేషం.

అధిక  శాతం విద్యా వంతులు ఉన్నారు.  ఈ విషయం ప్రత్యక్షం గా  టి.వి  లో వారి  ఇంటర్వ్యూలు  చూస్తే   తెలిసింది.

• ఒక యోగి,  ఒక సాధువు  అంటే భౌతిక (లౌకిక) జీవితంలో   విఫలం అయిన వాడు కాదు.  లౌకిక జీవితంలో పూర్తి   సఫలత లభించి ,  అందులో ఉన్న   సారం   అంతా   నిస్సారం ,  తమకు  ఏ ప్రయోజనం లేనిది   అనే  సత్యం   అనుభవ పూర్వకంగా  గ్రహించిన  జ్ఞాని .  ఆ తరువాతే  సహజ వైరాగ్యం,   ఆధ్యాత్మిక జ్ఞాన చింతన,  యోగ సాధన ,   పరమాత్మ వైపు పయనం మొదలు పెడతాడు. దీనికి ఎన్నో జన్మల  భాగ్యం,  పుణ్యం ఉండాలి.

నేడు మానవుడు చేస్తున్న పాపాలు,  ఈర్ష్య, స్వార్దం , ద్వేషాలతో  తన నుంచి విడుదల చేస్తున్న కలుషిత ఆలోచనల  నెగెటివ్  వైబ్రేషన్స్   వలన   ఇల్లు, సమాజం,  ప్రకృతి   ఇలా సమస్త  వాయు మండలం  కలుషితం  అయి   దుఃఖం,  అశాంతి , అనారోగ్యం నిండి ఉంది.  దీనిని  నివారించడానికి ,   తమ  శుభ సంకల్పాలు, శుభ కామనలు, ద్వారా  ప్రకృతిని శుద్ధి చేసి  ,   ఈ విశ్వం లో  శాంతి ని   నెలకొల్పడానికి  స్వయం గా   శివుని   చేత ఎన్నుకోబడిన వారే  ఈ యోగులు, నాగ సాధువులు, ఆశ్రమ సన్యాసులు, ఆధ్యాత్మిక  వేత్తలు ,  సద్గురువులు.  .... నేడు ఇటువంటి వారే  కనుక భారత దేశంలో  లేకపోయి ఉంటే,  ఈ పాటికి భారతదేశం  అనేది ప్రపంచ పటం లో  ఉండేది కాదు. .... ఇంకా గమనించగలిగితే ,  నేడు అనేక మంది పాలకులు, ధనవంతులు, వ్యాపార వేత్తలు,  భక్తి చేసే   సాధారణ   ప్రజానీకం   కూడా ఈ నాగ సాధువులు, సిద్ద యోగుల ఆశీస్సుల కోసం వారికి  పాదాభివందనాలు   చేయడం లో  వారి గొప్పతనం ఏమిటో తెలుసుకోవచ్చు. 

యడ్ల శ్రీనివాసరావు 27 Jan 2025 11:00 PM .

591. తను ... వచ్చే నంట

 

తను ... వచ్చే నంట

• హ   …  తను వచ్చె నంట

  నను  …   మెచ్చే నంట.

  నేనే   లేని     లోకం లో

  హ    . . .  తను వచ్చె నంట

  నను  . . .  మెచ్చే నంట.

• జరిగిన   కాలంలో    జారిన  వరం

  జన్మ కు    మిగిలిన    ఈ జ్ఞాపకం.

• నే  లేని    తనను   

  ఎలా    కలవడం.

• తిరిగి   జన్మించినా

  తరగదు    ఈ   కలవరం.

• ఇంతే  నా   . . .  ఇంతే  నా

  దేహం   విడిచిన    నేనింతే   నా.

• హ   . . .  తను  వచ్చె నంట

  నను  . . .   మెచ్చే నంట.

  నేనే   లేని     లోకం లో

  తను  వచ్చె   నంట

‌  నను  …   మెచ్చే నంట.

• మనిషి గా  ' నే '   చూసాను . . .

  తొలిసారి   

  మనసు తో     చూస్తున్నాను.

• సమయాన్ని   అడుగుతున్నా …

  కాసేపు

  నా దేహం    ఇవ్వమని.

• సమాధాన   మివ్వడం   లేదు.

• కన్నీళ్లు    ఉబుకుతు   ఉన్నా 

  ఏమిటో . . . 

  తడి   నాకు    తెలియడం లేదు.

• చేతులతో      తాకుతున్నా 

  ఏమిటో . . .

  తన   స్పర్శ    తెలియడం లేదు.

• ఇంతే   నా  . . .   నేనింతే  నా 

  దేహం   విడిచిన     నేనింతే    నా.

• హ   …   తను  వచ్చె నంట

‌  నను  …  మెచ్చే   నంట.

‌  నేనే   లేని     లోకం లో

‌  తను   వచ్చె   నంట

  నను   …   మెచ్చే నంట.

• జరిగిన   కాలంలో    జారిన  వరం

‌  జన్మ కు    మిగిలెను   ఈ జ్ఞాపకం.

(Inspiration from  a  Web movie )

యడ్ల శ్రీనివాసరావు  21 Jan 2025, 8:00 PM

590. చీకటి మహత్యం - భావ యుక్తం

 

చీకటి   మహత్యం

• మేలుకో  . . .  మేలుకో

  మేలుకో    మానవుడా    మేలుకో

  మేలుకొని     చీకటి

  మహత్యం     తెలుసుకో.

• తెలుసు  కుంటే  . . .

  చేస్తావు    చెలిమి    చీకటి తో.

  నీ  లో  లో ని   . . .   చీకటి  తో.

• వెలుగు    రేఖల   వైపు

  పయనం

  చీకటి    లోనే    ఆరంభం.

• నీవెవరో    నీకు   చూపేటి 

  నిలువుటద్దం       చీకటి.

• చీకటి    అంటే    కష్టాలు ,  కన్నీళ్లు

  కావని    తెలుసుకో  . . . 

• ముళ్లు     పుష్పాలు గా

  మారేది      చీకటి   లోనే.

• దుఃఖానికి    కారణం    అజ్ఞానం.

  అజ్ఞానం     తొలగుటకు

  తోడు గ    నిలిచేది     చీకటి.

• ఆకశం లో     అందాలను

‌  ఆరబోసి    చూపేది    చీకటి.

 

• నీవు ఉన్నా     లేనట్టు గ

  కౌగిలి లో   రక్ష  నిస్తుంది   చీకటి.

• నీలో     నిండిన   చీకటి

   ఏదో ఒక రోజు 

   విశ్వానికి   రారాజు ను    చేస్తుంది.

• మేలుకో  . . .   మేలుకో

  మేలుకో   మానవుడా   మేలుకో

  మేలుకొని    చీకటి

  మహత్యం      తెలుసుకో.

• తెలుసు  కుంటే  .  .  .

  చేస్తావు    చెలిమి     చీకటి తో.

జీవితం లో ప్రతి ఒక్కరూ వెలుగు ని  ఆస్వాదిస్తూ ఉంటారు.  కానీ , ఇది చూసే  ప్రతీ ఒక్కరికీ తెలియని వాస్తవం  ఏమిటంటే,   చీకటిని  దాటిన  వారే   వెలుగు ని   ఆస్వాదిస్తూ   ఉంటారు.  

చీకటి అంటే   రాతిరి , దుఃఖం, కష్టాలు, కన్నీళ్లు, అవమానాలు, నిందలు, అపజయాలు ఇలా ఎన్నో అని మనిషి భావిస్తాడు.   ఎవరైతే   వీటితో  ప్రయాణం చేసి ,   రుచి చూసి ,  రాటు దేలి  నిలబడతారో  వారే  అసలైన   వెలుగు ని  ఆస్వాదిస్తూ ఉంటారు. 

అందుకే   చీకటి అనేది  మనిషి కి  ఎంతో సహాయం చేస్తుంది.  ఎలా జీవించాలో  నేర్పిస్తుంది.   చుట్టూ ఉన్న మనుషులు , బంధువులు , మిత్రులు  , పరిస్థితులు  మరియు సమాజం  యొక్క  వాస్తవ  రూపం సూక్ష్మంగా  పరిశీలించే  స్థితి  చీకటి  అనుభవించిన   వారే నిశితంగా  గమనించ గలుగుతారు.  అందు వలన వీరు అనుభవ  సిద్ధులై ,  నిర్ణయ శక్తి   లో నిష్ణాతులై  తదుపరి  రారాజులు   అవుతారు.   

కాకపోతే  వీరు ఓర్పు, సహనం కలిగి ఉండాలి. కాలాన్ని   ప్రేమించాలి,  అర్దం చేసుకోవాలి.  

మనిషి గా  జన్మించిన ప్రతి ఒక్కరూ,  చీకటి ని  తమ తమ  జన్మలలో  అనుభవించ వలసిందే, కాకపోతే అది  కాస్త  ముందు  వెనుక  అవుతుంది.  

చీకటి కి భయపడకండి.  చీకటి ని   ప్రేమించండి.  చీకటి ని   అర్దం  చేసుకుంటే   వెలుగు ని శాసించే  (ఆధీనంలో ఉంచుకునే)  శక్తి  లభిస్తుంది.  

భూమి పైన  వెలుగు లో  కనిపించే  మహ వృక్షం  యొక్క మూలం ,  భూమి లోపల  చీకటి లో  ఉండే  విత్తనం   మరియు  వేరు  యొక్క సామర్థ్యం  వలనే  నిలబడుతుంది.  

అదే విధంగా మనిషి వెలుగు ని ఆస్వాదించాలి అంటే మనసు లోని  చీకటి తో  స్నేహం చేయాలి. ఆ స్నేహం సమస్తం అర్దం చేయిస్తూ ఉంటుంది. కేవలం కనులు మూసుకుని మనిషి తనను తాను గమనించుకుంటూ  ఉండాలి.  

వెలుగు  ఏనాడైనా  మనిషి ని మోసం చేసే అవకాశం ఉంటుంది.  కానీ  చీకటి  మాత్రం  ఎన్నడూ ఎవరినీ  మోసం చెయ్యదు.

యడ్ల శ్రీనివాసరావు 25 Jan 2025 , 2:00 pm.

589. వృద్ధాప్యం

 

వృద్ధాప్యం

• సహజంగా  మనకి   తెలిసిన వృద్ధాప్యం అంటే ముసలి తనం.   అంతకు మించి వేరే అర్దం, భావం మనకు తెలియదు.  మనం పుట్టిన తరువాత, చివర అనుభవించే  వయసు యొక్క  దశ ను   వృద్ధాప్యం అంటాం.  కానీ వాస్తవానికి వృద్ధాప్యం అంటే నిజమైన అర్దం ముసలి తనం కాదు.

  వృద్ధాప్యం  అంటే   వృద్ధి + ఆప్యం.

  వృద్ధి  అనగా   శుభకరం గా పెరిగినది (Growth ) లేదా అభివృద్ధి అయినది (Developed ) అని అర్థం.

  ఆప్యం అనగా జలమయం అని అర్థం.

• బాగా పెరిగినది జలమయం కావడం వృద్ధాప్యం.

 అనగా ఎదిగిన మనిషి జలమయం అవవలసిన తరుణం అనేదే  వృద్ధాప్యం  అనే పదం  యొక్క వాస్తవ   సూక్ష్మార్థం.

 చనిపోయిన తరువాత మనిషి ని దహనం చేసి అస్థికలు చివరకు నదిలోనే కలుపుతారు . అదే జలమయం.

• మనిషి కి   మరణం అంటే భయం.  అంగీకరించ లేడు. ఎందుకంటే  బ్రతుకు మీద తీపి. ఎన్ని బాధలు పడుతున్నా,  అనారోగ్య సమస్యలు, ఇబ్బందులతో ఉన్నా,   వయసు మీరి పోయి   ఊపిరి  ఆడని స్థితిలో ఉన్నా సరే   మరణం అంటే భయం.  మరణాన్ని అంగీకరించడు.

  ఒకవేళ  ఏనాడైనా  నేను చనిపోతే బాగుణ్ణు అని మాట  వరుసకు పైకి  ఎప్పుడైనా  ఎక్కడైనా అనినా గానీ,  ఆమాట మనస్ఫూర్తిగా లోపలి నుంచి మాత్రం రాదు.

   కానీ వృద్ధాప్యం అనే మాట,  ఏం చెపుతుంది అంటే నీ దేహం   జలమయం  కావలసిన  సమయం ఇది, తెలుసుకొని   సిద్ధమై  ఉండు  అని చెపుతుంది.

• కొన్ని సార్లు   ఇటువంటి పదములకు  సంబంధించిన వాస్తవ  అర్థం    మనిషి   తెలుసుకోవడం   మరియు అభ్యసించడం వలన ,  మనసు మానసికంగా సిద్ధం అయి,   సన్నద్ధం గా  అంగీకార ప్రదం గా అవుతాం. వృద్ధాప్య   దశకి  వచ్ఛాక , నా దేహం ఇక జలమయం. ఆ దశలో   నేను   ప్రస్తుతం  ఉన్నాను   అనే వాస్తవం స్పృహ లో   బలంగా   ఉంటే   మనిషి శరీరం వదిలే సమయంలో   యాతన ఉండదు.  అంటే మరణాన్ని సంతోషంగా  ఆహ్వానించడం  జరుగుతుంది. అది సహజం గా ఉంటుంది.   ఎలా అంటే,  పండిన కాయ చెట్టు నుంచి   దానంతట  అదే  సహజంగా  ఏ నొప్పి లేకుండా   రాలిపోయిన  విధంగా  ఉంటుంది.  ఇది తిరిగి  మనిషి  సుఖవంతమైన   జన్మ  పొందడానికి తొలి  మెట్టు.

• అలా   కాకుండా   ఆ వయసు లో    ఇంకా   భీతి, మమకారం,   వ్యామోహం   ఇంకా  ఏదోక భౌతిక వ్యాపకం పట్టుకొని  వేలాడడం   ఉదాహరణకు డబ్బు, బంధాలపై    ప్రీతి వంటివి  కనుక ఉంటే,    పండిన కాయ   బలవంతంగా   త్రుంచి వేయబడుతుంది. త్రుంచి  వేసేటప్పుడు  పెనుగులాట,  నొప్పి తప్పదు.

• అంటే దీని అర్థం …. ఆత్మ,    శరీరం  వదిలి సహజంగా   సంతోషంగా  వెళితే   మరలా  మంచి  శరీరం తో   జన్మ తీసుకుంటుంది.  అలా   కాకుండా  ఆత్మ   శరీరం పట్టుకొని   ఇంకా వేలాడుతాను   అంటే యాతన తప్పదు.

  వృద్ధాప్యం అంటే    Green signal for Death, Be ready for any time అని భగవంతుడు చెప్పిన  సత్యం. 

• ఈ వృద్ధాప్యం తో    మన కుటుంబం లో,  సమాజం లో ,  బంధువుల లో   అనేకులు   జీవనం సాగిస్తారు. (మనం కూడా).   వృద్ధులు  కొన్ని  విధాలు గా బలహీనం గా   ఉంటారు.  వారికి   తప్పని సరిగా  కుటుంబీకులు  మరియు  సాటి మనిషి తోడు గా నిలవాలి,   వారితో  నిత్యం కొంత సమయం గడపాలి. వారిని సంతోష పరచాలి.  వృద్ధులు మరియు పసి పిల్లలు  వద్ధ   పాజిటివ్ ఎనర్జీ (శుభ శక్తి) ఉంటుంది. ఎందుకంటే  వీరి మనసు లలో  కల్మషం  అనేది నిలిచి ఉండదు.   వీరి  శుభాశీస్సులు  పొందడం మిగిలిన వారికి,   తర  తరాల వారికి    శ్రేయస్కరం.

• నేటి కాలంలో   వృద్ధులను  పట్టించుకోని కొడుకులు , కూతుర్లు ,  అల్లుళ్లు,  కోడళ్లు ,  మనుమలు    అనేక మంది ఉన్నారు.   వారి  సంరక్షణ   చూడ లేక  వృద్ధాశ్రమాలలో  ఉంచుతున్నారు. ఇది మహా పాపం.  మనం  ఏది ఎలా చేస్తే   అదే తిరిగి ప్రాప్తి  అవుతుంది.  మనల్ని  పసితనం లో  మన  తల్లి తండ్రులు  ఎంత ప్రేమ గా   సంరక్షణ చేసే  వారో గుర్తు చేసుకుని,   అదే విధంగా  వృద్ధులైన  తల్లి తండ్రులను  సంరక్షించాలి.  మనం  పసితనం లో    తల్లి తండ్రులను  ఎలా విసింగించామో  అలా కొన్ని సార్లు   వృద్ధులు  కూడా విసిగిస్తారు.  ఇది  ఒక  మానసిక  అనారోగ్యపు సమస్య,   అది అర్దం  చేసుకోవాలి   కానీ వారిపై కసురుకో  కూడదు.

• ఇదంతా   ఒక వాస్తవిక  మానసిక  అవగాహన కలిగించే   సదుద్దేశంతో  మాత్రమే రాయడం జరిగింది. కానీ  ఎవరిని భయభ్రాంతులకు,  అభద్రత  భావానికి గురి  చెయ్యడానికి  కాదు.

  ఓం నమఃశివాయ 🙏

  ఓం శాంతి 

  యడ్ల శ్రీనివాసరావు 21 Jan 2025, 11:30 PM .

588. కలియుగ కురుక్షేత్రం

 

కలియుగ  కురుక్షేత్రం

• కురుక్షేత్రం  ఎక్కడ జరిగింది  అంటే,  వెంటనే మనం అనుకునేది   మహాభారతం లో  అని.  ఇంకా  అది పాండవులకు,  కౌరవులకు  జరిగిన యుద్ధం అని అనుకుంటాం.

పాండవులు  అయిదుగురు.  కౌరవులు వంద మంది. వీరంతా కలిసి   ఒక ప్రదేశంలో   మహ  సంగ్రామం చేశారు ,   అదే కురుక్షేత్రం.   ఈ యుద్ధం జరగడానికి , జరగడం లో   ఎన్నో నాటకీయ  మలుపులు, ఎత్తులు, పై ఎత్తులు,   అనేక మంది పాత్రలు ,  సంఘటనలు కధలు  కధలు గా   ఇమిడి  ఉంటాయి.

• చివరికి  ఫలితం  ఏమిటి  అంటే  మంచి అనేది భగవంతుని  శక్తి  సహాయం తో  విజయం సాధిస్తుంది , అదే   పాండవ జయం.  చెడు చివరికి  ఓడిపోతుంది, అదే  కౌరవ  అపజయం.   కానీ గమనిస్తే ,  మంచి కూడా చెడు కి   ప్రలోభ మైన  సందర్బం లోనే   ఈ యుద్ధం  ఆవిర్భవించింది  అనేది  ఇందులో సూక్ష్మం  గా  దాగి ఉన్న రహస్యం.  దీనినే  చదరంగం  ఆట అంటారు.

• మంచి  అంటే  ధర్మ యుక్తం గా  ఉండే  ధర్మరాజుకు జూదం   అనే బలహీనత వలన ,  భార్యను  తనఖా పెట్టడం  వంటి  అనేక  అంశాలు  గమనార్హం.

• అంటే   రామాయణ, భారతాలు   స్తీ   ప్రధాన భూమిక తో   జరిగాయి.   సహజంగా  అందరూ తరచూ మాట్లాడే  ఒక మాట ,  స్త్రీ వలన యుద్ధాలు జరుగుతాయి .  సర్వ సంబంధాలు  తగలపడిపోతాయి , వినాశనం  జరుగుతుందని అంటారు. ఇలా మాట్లాడే వారి ఆలోచన   అంత వరకే అని నా అభిప్రాయం. అంతకు మించి ఆలోచించడం వారికి తెలియక పోవచ్చు.

కానీ  రామాయణ ,  భారత యుద్ధాల లో    చివరికి ధర్మం  విజయం సాధిస్తుంది.  అందుకు   ఆ స్త్రీ యే కారకత్వం   మరియు   మూలం  ,  అనే విషయం ఎవరూ   గ్రహించలేరు. ఇది వారి అవగాహన లోపం.

• కౌరవులు  కూడా  తనకు   సోదరులే  అని వారిపై యుద్ధం చేయనని  అర్జునుడు  అన్నపుడు   సత్య యుగపు  రాజకుమారుడైన  శ్రీకృష్ణుడు  బోధించిన భగవద్గీత (శివ పరమాత్ముని జ్ఞానం)   ఈ సృష్టి యొక్క మూల రచన. 

చంపు వారెవరూ,  చనిపోయే వారెవరు  ధర్మం కోసం నీ కర్మ (పని)   నువు చెయ్యి   అంటూ  శ్రీకృష్ణుడు, అర్జునునికి  ఉపదేశించిన  సందర్భం గీతా భోధన.

• కొందరు   శ్రీకృష్ణుడే పరమాత్ముడు , భగవద్గీత యొక్క  సృష్టి  కర్త అని   అనుకుంటారు.  కానీ వాస్తవానికి   విశ్వ సృష్టి కర్త శివుడు.  ఆయన రచన అయిన  భగవద్గీత ను   శ్రీకృష్ణుడు   తన దివ్య శక్తి తో బోధిస్తాడు.   మరో విషయం  గమనిస్తే ,  భగవద్గీత ను శ్రీకృష్ణుడు   బోధించే  వాక్యాల  లో  భగవానువాచ (భగవంతుడు చెప్పిన మాట)  అంటాడు   కాని,  శ్రీకృష్ణ ఉవాచ  అని  అనడు.  కేవలం  “భగవంతుడు మాత్రమే  నేనే  భగవంతుడిని  అని  చెప్పగలడు”.  అతడే శివుడు.  పరమాత్ముడు.  ఇది గమనించ వలసిన  అంశం.

• ఇకపోతే   కురుక్షేత్రం అంటే   ఎక్కడో,  ఎప్పడో జరిగింది   కాదు.   నేటికీ  నిత్యం  జరుగుతూనే ఉంది. మనిషి  మనసే   ఒక  కురుక్షేత్రం , అనుక్షణం  మనసు లో జరిగే  యుద్దమే  కౌరవ యుద్ధం.

• పాండవులు   అంటే   శరీరం యొక్క  పంచ కర్మేంద్రియాలు.  అవి  నిర్వర్తించ  వలసినది  శరీర ధర్మం.   శరీర   భాధ్యతలు.

 కర్మేంద్రియాలు  ధర్మం యుక్తం గా  ఆధీనంలో  పని (కర్మ) చేస్తూ   ఉండాలి.   పంచేంద్రియాలు నియంత్రణ తో ,  నిగ్రహము కలిగి  ఉన్న వారే  దేవతా స్వరూపాలు(పాండవులు). 

 అవే  కర్మేంద్రియాలు  అధర్మ యుక్తమై  నియంత్రణ , నిగ్రహం  కోల్పోయి ,  ఆధీనంలో  లేకపోతే   వికర్మలు చేయడం  జరుగుతుంది.   ఆ వికర్మలే   వికారాలు అయిన  అసుర స్వరూపాలు (కౌరవులు). 

• ధర్మం (ధర్మరాజు),  దేహ బలం (భీముడు),  బుద్ధి బలం  (అర్జునుడు),   ఓర్పు (నకులుడు) ,  సహాయం ,  సహయోగం  (సహదేవుడు).

 ధర్మం ఆచరించినపుడు   కర్మేంద్రియాలు  దేహాన్ని , బుద్ధిని  ఆధీనంలో ఉంచి,  ఓర్పు సహయతలు  కలిగి ఉండడం   జరుగుతుంది. ఇవి దేవతా లక్షణాలు. ఇదే పాండవ శక్తి సైన్యం.

• పంచ కర్మేంద్రియాలు.

  నేత్రం - దృష్టి   ,  చెవి - వినుట ,  నోరు , నాలుక - మాట, రుచి  ,  నాసిక - శ్వాస , వాసన , చర్మం - స్పర్శ

🌹🌹🌹🌹🌹

• కౌరవులు.  అనగా  వికర్మలు (చెడు పనులు), వికారాలు.  ఇవి వందరకాలు గా  ఉంటాయి.  కామం, క్రోధం, లోభం, మోహం, మదం, మాత్సర్యము, స్వార్దం, ఈర్ష్య, అసూయ , పైశాచికత్వం, మోసం , ద్రోహం, నయవంచన , అసభ్యత , కిరాతకం, దౌర్జన్యం, మానభంగం, దొంగతనం , అబద్ధం, నికృష్టం,  వెకిలి  చేష్టలు మాటలు  ఇలా చెప్పుకుంటూ పోతే అనేకం.  ఈ కౌరవులు  అనే వికారాలు   నిత్యం, అనుక్షణం  మనిషి  మనసు ని ఆకర్షిస్తూ  ఉంటాయి, తిరిగి  యుద్ధం చేస్తూనే ఉంటాయి.

• ఏ యే వికర్మలు ,  వికారాల  ప్రభావం   వలన ఏ నష్టం  ఎలా జరుగుతుందో  రామాయణం ,  భారతంలో  పాత్రలతో  చక్కగా కధలు కధలు గా   వివరించడం జరిగింది.  ఎందుకంటే, అది  తెలుసుకోవడం  వలన మనిషి  అధర్మం గా  ఉండకుండా  ధర్మం ఆచరిస్తాడు అనే సదుద్దేశం.  కానీ దురదృష్టం  ఏమిటంటే  వాటిని  కేవలం  కధలు గా  వింటున్నారు,  చూస్తున్నారు.

నిత్యం మనిషికి  తన   జీవితంలో  జరిగేది  కురుక్షేత్ర సంగ్రామం , రావణ యుద్ధం  అని గ్రహించలేక  పోతున్నాడు. అదే దురదృష్టం.

• అన్నింటికీ  కారణం మనసు.  మనసు ని పూర్తిగా ఆధీనంలో  ఉంచుకోవటం  అనేది  సత్య యుగంలో పూర్తిగా ,  మరియు  త్రేతా యుగములో   కొంత కాలం వరకు జరిగింది.  ఆ తరువాత  ద్వాపర , కలియుగాల లో క్రమేపీ  అది పూర్తిగా విఫలం అయింది.  రాబోయే యుగాలలో  ఇది ఇలా జరుగుతుంది  అనే విషయం  దివ్య శక్తి,   జ్ఞానం తో గ్రహించిన  ఆనాటి  యోగులు , రాబోయే యుగాల  లోక కళ్యాణం   కోసం  ఇవన్నీ  పురాణ  ఇతిహాసాలు గా   పొందు  పరిచారు.

• నేటి కాలంలో   ప్రతీ మనిషి  మనసు లో  కురుక్షేత్ర యుద్ధం  జరగడం లేదంటారా .... చెప్పండి.   

ప్రతి  ఇల్లు  ఎంతో  కొంత  తరచూ  ఒక రణరంగ  మైదానం గా   లేదంటారా? ... ఆలోచించండి. 

ఒకే కుటుంబం లో  ఉన్న భార్య  భర్త,  పిల్లలు,  తల్లి  తండ్రి , అత్త మామ , కోడలు   మధ్య   సఖ్యత లోపించి  ఒకరంటే ఒకరికి పడక  అశాంతి తో జీవనం గడుపుతున్న రోజులు ఇవి …… కాదనగలరా?. 

ఏ  ఒక్కరైనా మేము  దీనికి  అతీతంగా జీవిస్తున్నాం అని అనగలరా ?.... మనస్సాక్షి తో ఆలోచిస్తే తెలుస్తుంది.

 

వీటికి అలవాటు  పడి  పడి   ,  చేసేది ఏమి లేక  ఇదంతా సహజం,  జీవితం అంటే ఇంతే లే ,  అనే మానసిక  దృక్పథం (mind set) అలవాటు చేసుకొని   ....  

హ , లోకం లో   అందరూ   ఇంతే లే  , ఇంత కంటే గొప్ప గా  ఎవరుంటారు   అని సరిపెట్టుకోవాల్సిన  స్థితి   నేడు   మనిషి  జీవితంలో  నడుస్తుంది ..... కాదనగలరా ?...... మరి  ఆలోచిస్తే  , మన పూర్వీకులు  మనలాగే  ఇలాగే జీవించారా ?.

 ☘️☘️☘️☘️☘️☘️

• ఎవరైనా  చనిపోతే  స్వర్గస్తులైనారు  అంటారు. అంటే  దాని  అర్థం  స్వర్గానికి  వెళ్ళాడు అని.  అంటే  అతడు   బ్రతికి  ఉన్నన్నాళ్లు‌ నరకం లోనే జీవించాడు , చనిపోయాక  స్వర్గానికి వెళ్ళాడు  అనే కదా అర్దం.

 ఇది నిజం ,   నరకం  అనేది   ప్రస్తుతం మనం జీవిస్తున్న,  ఈ భూమి మీదే ఉంది.  మనిషి తన స్పృహ కి (contiousness) తెలియకుండా నే, తన ఆత్మ (soul) ద్వారా   ఆ సత్యాన్ని  ఎన్నో సందర్భాలలో   పలుకుతూనే  ఉన్నాడు.

 ☘️☘️☘️☘️☘️☘️

• ఎవరైనా   విపరీతమైన దుఃఖం,  బాధ తో ఏడుస్తూ ఉన్నప్పుడు   తెలియకుండా నే ,  నా కర్మ   నా కర్మ అంటూ  నుదిటి ని  చేతితో  కొట్టుకుంటారు.  ఇది నిత్యం   చాలా చోట్ల  చూస్తుంటాం.  గమనిస్తే , వారు తమ చేయి,  భుజం,  ఇలా మరే  ఇతర భాగం లోను కొట్టుకోరు.   ఎందుకంటే  ఆత్మ  ఉండేది   నుదిటి మధ్య లో ,   ఈ విషయం  మనలో  ఉన్న  ఆత్మ కి తెలుసు ,   కానీ మన  శరీర స్పృహ కి  తెలియదు ….. ఆ దుఃఖం తో   తల బాదుకునే  చర్య  చేసేది   ఆత్మే కానీ ,   మనిషి  శరీరం కాదు.   ఆత్మే  అక్కడ దుఖిస్తుంది.  ఏ మనిషి తాను  దేహభిమానం  విడవ నంతవరకు  ఈ విషయాలను అర్దం చేసుకోలేడు  మరియు  గ్రహించ లేడు.

ఓం శాంతి 🙏

ఓం నమఃశివాయ 🙏

యడ్ల శ్రీనివాసరావు 19 Jan 2025 , 10:00 PM.

587. పరిస్థితులు నియంత్రణ

 

పరిస్థితులు  నియంత్రణ

• నేటి కాలంలో సమాజం లో పరిస్థితులు మరియు మనుషుల  మధ్య   సమన్వయ లోపం  కలిసి మానవ జీవితాలను  ఏ దిశలో  తీసుకుని  వెళుతున్నాయో,   ఏ ఒక్కరికీ  అర్దం కాని పరిస్థితి. దీనికి  ఒక విధంగా కారణం   నేటి కాలంలో  మనిషి కి లభించిన మితిమీరిన   స్వతంత్రత (over indivuality ).  స్వతంత్రత    అనేది భౌతికం  మరియు    మానసిక అంశం గాను   ఉంటుంది.  స్వేచ్ఛ అనేది మనిషికి ఉపశమనం  కలిగిస్తుంది.  స్వేచ్ఛ కి,  స్వతంత్రత కి చాలా తేడా ఉంది.

• మితిమీరిన   స్వతంత్రత (over Individuality) అనేది  మనిషి ని   ఏ దిశలో నడిపిస్తుందో , అది మనిషి కి   కూడా   అర్దం కాని   మానసిక స్థితి లో నేడు , మనిషి జీవనం   నడుస్తుంది.  ఎందుకంటే మంచి, చెడు ల   మధ్య  ఉన్న గీత   పూర్తిగా  నేటి కాల సమాజం లో   చెరిగిపోయింది  అనేది వాస్తవం. ఇది మంచి,   ఇది చెడు అని   ఆలోచించి నిర్ణయం  తీసుకోలేనంతగా    స్వతంత్రత  మనిషిలో    అభివృద్ధి  చెందింది.    క్షమించాలి ఇక్కడ  'అభివృద్ధి'  అనే పదం   ఉపయోగించి నందులకు.  ఎందుకంటే  అదే, మనిషి  తన అభివృద్ధి అని  అనుకుంటున్న తీరు ,  నేటి   జీవన  విధాన  నిదర్శనం.

 అందువలనే , నేడు  కుటుంబ,   సమాజం లో మనుషుల   మధ్య  సమన్వయం   లోపిస్తుంది. సంబంధాలలో  ఆత్మీయతలు  కొరవడుతున్నాయి.

• దీనికి మరో   ముఖ్య కారణం  నేను  అనే అహం. నేను కరెక్ట్,   అన్నీ నాకు తెలుసు,  నా మాట వినాలి , నాది  పై చేయి గా   ఉండాలి.  నన్ను  చూసి  భయపడాలి   గౌరవం ఇవ్వాలి.   నాకు గుర్తింపు  లభించాలి.  నా అవసరాలు,  కోరికలు ఎలాగైనా సరే తీరాలి.  అందుకోసం  ఎంత  కైన తెగించాలి,  ఎవరు ఎలా పోతే నాకేంటి …. ఇలాంటి భావనలతో  ఇల్లు, కుటుంబం , సమాజం, ఆఫీసులు, మిత్ర బృందాలు , తోడు  సాంగత్యాలు    అన్నీ కూడా  చాలా వరకు విష వలయాలు గా తయారయ్యాయి.  దీనికి కారణం స్వయం మనిషే.

• మనుషుల  మధ్య  మంచి  ప్రేమ,  నమ్మకం,  నిజాయితీ   పూర్తిగా   కొరవడిన రోజులు ఇవి.  ఎవరైనా  అనుభవజ్ఞులు   మంచి చెప్పినా (చెప్పే వారు కూడా లేరు), వినేవారు గాని,   ఆచరించే వారు గాని   నేటి కాలం లో లేరు.   అందువలనే  నేటి పరిస్థితులలో   అనుకూలతలు  తగ్గిపోయి, వ్యతిరేకత  భావనలు  పెరుగుతున్నాయి.

•  నేటి కాలం లో,  మనిషి   తెలివి  ఎంతగా  దిగ జారింది   అంటే,   ఏదైనా  ఒక విషయం లో తాను చేసేది,   చేసింది ,   చేస్తున్నది   కరెక్ట్   కాదు  అని స్పృహ కి   తెలిసినా కూడా,   దాన్ని  ధైర్యంగా  కరెక్ట్  అని   సమర్థించుకుంటూ,   తన లోని  మాయతో ఇతరులను  మభ్య పెట్టే   హీనస్థితికి  దిగజారి పోతున్నారు.   ఇటువంటి   అంశాలు, సంఘటనలు నేటి  కాలంలో.  ఇంటా బయటా,  ప్రతి  ఒక్కరూ ఎదుర్కుంటూ నే  ఉన్నారు.

• ప్రస్తుతం అంతా   అజ్ఞాన సాగరం తో  నిండి ఉంది. అందువలనే   నేటి  మానవ సంబంధాల లో పూర్తిగా అప నమ్మకం,  దుఃఖం,  అశాంతి,   అసంతృప్తలకు కారణం.

 ఇక్కడ,   ఒక.  విచిత్రమైన విషయం ఏమిటంటే, మనిషి తన  లోలో ని  మార్పును  కోరుకోడు  గాని చుట్టూ ఉన్న వారు  మారాలి అనుకుంటాడు.  ఇది చాలా హేయం.

• దీనంతటికీ ప్రధాన కారణం ,   ప్రతీ మనిషికి  తన మనసు పై  తనకు నియంత్రణ లేకపోవడం. మనసు నియంత్రణలో   లేకపోతే  మనిషికి తాను ఉన్న  పరిస్థితులతో  సమస్యలు తప్పవు.  నియంత్రణ  అనేది ఒక  అద్భుతమైన  శక్తి అని  గ్రహించాలి Controlling power.

• మరి దీనికి పరిష్కారం ఏమిటి అంటే…. మనిషి తనను తాను నియంత్రించు కోవడం. నియంత్రణ అనేది ఒక అభ్యాసం.  ఇది సహజంగా అవలభించ వలసిన విధానం.   నియంత వలే   ఇతరుల  పట్ల కాకుండా,  తనపై  తాను  ఉండగలిగితే   వ్యక్తిగత స్థితి   సమృద్ధిగా,    నిశ్చలంగా,   ధృఢంగా, స్థితప్రజ్ఞత తో  ఉంటుంది.  నియంత  అంటే  నిరోధన మరియు అంతం.

• మనిషి కి  తన చుట్టూ  ఎటువంటి  వ్యతిరేక, అననుకూల  పరిస్థితులు వచ్చినా సరే,  తన స్థితి ని డిస్టర్బ్   చేసుకోకూడదు.   మనిషి ఎవరి సహాయం లేకుండా,  తనను తాను సంబాళించుకో గలిగితే , ఈ ప్రకృతిని,   ప్రపంచాన్ని కూడా సంబాళించ గలడు.

• నీ చుట్టూ  ఉన్న  పరిస్థితులు  ఎప్పుడైనా ఎలాగైనా మారవచ్చు.   కానీ   నీ అంతర్గత  స్థితి  మాత్రం  నీ పరిధి (హద్దు) లోనే  ఉండాలి.   అప్పుడే   నీ పరిస్థితి  బాగుంటుంది. నువ్వు   నీ పరిధిలో  నిలిచి  ఉన్నప్పుడే,   నీ చుట్టూ ఉన్న  పరిస్థితులలో మార్పు వస్తుంది. దీనికి కొంచెం సమయం పడుతుంది.

 అంతే గానీ,   చుట్టూ ఉన్న పరిస్థితులు మారినప్పుడల్లా    నీ అంతర్గత  స్థితి ని  మార్చుకుంటూ  ఉంటే ,  ఏదొక రోజు   నువ్వు పరిస్థితుల  ముందు  పూర్తిగా తలదించుకోవాల్సిన  పరిస్థితి  వస్తుంది.

• స్థితి అంటే ఆలోచన , మానసిక శక్తి , మనసు బలం.

• పరిస్థితులను నియంత్రణ చేయడం కష్టం. కానీ మనః స్థితి ని   నియంత్రణ చేసుకోవచ్చు.  అప్పుడే పరిస్థితి  అనేది   మనిషికి  అనుకూలంగా తయారవుతుంది.   ఇందులో సూక్ష్మం  గ్రహిస్తే , మనిషి తనకు తానే   రాజు,  మంత్రి,   పండితుడు , సేనాధిపతి,   సైనికుడు,  సామాన్యుడు గా ఆవిష్కరణ పొందుతాడు.

• మనిషికి తనను తాను   నియంత్రించుకునే  శక్తి, యుక్తి   లేకపోతే.   కనుక పరిస్థితులు,  కుటుంబం, సమాజం,   మనుషులు   ఇలా అందరి చేతిలో కీలుబొమ్మ లా   కావలసి వస్తుంది.  ఇది సత్యం.

• మనిషి  తన మనసును  స్వాధీనం  చేసుకోవాలంటే , ముందు  మనసును  నిజాయితీగా  అర్దం చేసుకోవాలి.  మనసు తో  మాట్లాడడం నేర్చు కోవాలి, ఆ తరువాత మనసును   ఆధీనంలో  ఉంచుకో గలగాలి. దీనినే నియంత్రణ అంటారు.  అప్పుడే స్థితి, పరిస్థితి సంతోషంగా ఉంటాయి.  ఇదంతా  ఒక్క సద్గురువు యొక్క భోధన,  సద్గురువు చూపే మార్గం, పిదప స్వయం సాధన తో మాత్రమే సాధ్యం అవుతుంది. 

అనుభవజ్ఞులు  ఎపుడైనా, ఎక్కడైనా, ఏదైనా ఒక మాట చెప్పినప్పుడు  వినడం లో స్పష్టత లోపించినా, ఆచరించడం లో  స్పష్టత  లోపించినా  ... ఎల్ల కాలం  అయోమయ స్థితిలో నే  ఉండ వలసి వస్తుంది. 

యడ్ల శ్రీనివాసరావు 18 Jan 2025, 10:00 PM

586. ప్రేమ మూర్తి

 

ప్రేమ మూర్తి 

Dada  Lekhraj

Diamonds Expert Business  Man

Hyderabad, Sindh (Now in Pakistan).

జననం : 15 Dec 1876

🌹🌹🌹🌹🌹

Brahma  Baba

ఆత్మ పరమాత్మ    జ్ఞాన విధాత

Brahma kumaris Spiritual University Establisher in 1937

Mount Abu, Rajasthan.

అవ్యక్త దినం :  18 Jan 1969 (Aged 93)

🌹🌹🌹🌹🌹

• మధురాతి    మధురం

  నీ   ప్రేమ    బాబా

• సుసంపన్న    సుందరం

  నీ  ప్రేమ    బాబా

 

• నిర్మలం   తో    గంగ

  నిశ్చలం   తో    యమున . . .

  నీ   ప్రేమ     చిహ్నాలు.

• హితవైన    హిమ (ఆ) లయాలు 

  ఆనంద     ఆరావళులు . . .

  నీ   సృష్టి    భాగ్యాలు.

• జ్ఞానం   అనే    చదువు తో

  జ్ఞప్తి  చేశావు     మా  మూలం.

• సేవే       సౌభాగ్య  మని

  కర్మలెన్నో     కరిగించావు.  

• శుభ  కామనలు   ఆస్తి  అని 

  మనసు   వికారాల   శుద్ధికి

  మార్గం   చూపావు. 

• నీ   చిరునవ్వు లు 

  మాకు   పన్నీటి    జల్లులు.

  

• మధురాతి    మధురం

  నీ   ప్రేమ    బాబా.

• సుసంపన్న    సుందరం

  నీ   ప్రేమ    బాబా.

• మధు వైన     మధువనం

  మానసా న     సరోవరం . . .

  నీ   స్వర్గ    సీమలు.

• ధ్యాన ధామ   శాంతి వనం

  యోగ ధామ    పాండ వనం . . .

  నీ   శివశక్తి   స్థానాలు.

• జ్ఞానామృతం   మిచ్చి     

  శివ  పరమాత్మ తో    కలిపావు.

• కళ్యాణ  తిలకం  దిద్ది    

  ధైర్యాన్ని    దుందుభి     చేసావు.

• శుభ  సంకల్పాలు   మహా శక్తి   అని 

  మహిమాన్వితమై      సర్వుల కోసం 

  అనుభవం    చేయించావు.

   

• నీ  త్యాగ  ఫలాలు 

  మాకు  శుభ  ఆశీస్సులు.

• మధురాతి    మధురం

  నీ   ప్రేమ    బాబా

• సుసంపన్న    సుందరం

  నీ   ప్రేమ   బాబా.

ఓం నమఃశివాయ 🙏

ఓం శాంతి.

యడ్ల శ్రీనివాసరావు  17 Jan 2025,  8:00 PM.

585. కోయిల - కోమలి

 

కోయిల - కోమలి

• కుహు కుహు  . . .  కుహు కుహు

  అని   కూసిం దో     కోయిల.

• కోయిల    రాగం తో

  కలిగె   నా లో    కవ్వింత

• కోయిల    కోసం    వెతకగ

  కనిపించిం దో      కోమలి.

• కుహు కుహు  . . .  కుహు కుహు

  అని   కూసిం దో    కోయిల.

• కోయిల   కోసం   కోమలి   నడిగితే 

  హూహు   ..  హూహు ..  అని పలికింది.

• అటు    ఇటు    చూశాను

  కొమ్మ   రెమ్మ లు   వెతికాను.

• కోయిల    కనపడలేదు . . .

  కానీ   …  కానీ

  కోమలి    నా వెనకే    తిరుగుతూ   ఉంది.

• కుహు కుహు   . . .   కుహు కుహు

‌  అని   కూసిం దో     కోయిల.

• ఆగలేక   …   నీవెవరని   అడిగితే 

  కోమలి    కళ్లను   ఆడించింది . . .

  నీకెందుకు   కని.

• నే   వెను  తిరిగి   నంత లో

• కుహు  కుహు  …  కుహు  కుహు

  అని  కూసిందా  కోయిల   మళ్లీ . . .

• కోయిల   రాగం    రేపెను

  నా లో      పులకింత.

• కోయిల   కోసం    వెను చూడగా

• కోమలి   కళ్లతో     సైగ  చేస్తుంది …

  ఆ కోయిల    తానే   నని …

  ఆ రాగం   నా  కోసం    అని.

• కుహు  కుహు  . . .  కుహు  కుహు

  అని   కూసిం దో      కోమలి.

యడ్ల శ్రీనివాసరావు 15 Jan 2025 , 11:25 PM.

584. ఆలోచనల కోణం

 

ఆలోచనల కోణం

• ప్రతి మనిషి  యొక్క నడక,  ప్రవర్తన  పూర్తిగా ఆలోచనల  మీదే  ఆధారపడి ఉంటుంది. అటువంటప్పుడు మనిషి   అనుక్షణం  తాను చేసే ఆలోచనలను  గమనించ గలుగుతున్నాడా  … తన ఆలోచనల లో   వాస్తవం ఎంత,  స్పెక్యులేషన్ ఎంత అనే  నిజం  తన స్పృహ లో  ఉంటుందా.

• నీ ఆలోచనలు నీ కోణం లోనే ఉంటున్నాయా … లేక ఆ పరిధి దాటి,  వేరే కోణం లో ఆలోచించ గలుగుతున్నావా?   ఎందుకంటే  నీ ఆలోచనలు నువు చూస్తున్న దృష్టి తో ఉంటే కనుక ,  నీ చూపు   దృష్టి ఎంతవరకో  అంతే నీ ఆలోచన.  ఇందులో అంతా కరెక్ట్ అని  అనుకుంటే ,  భంగపాటు తప్పదు.

• నీ ఆలోచనలు వేరే కోణం లో, మరో కోణం లో ఉన్నప్పుడు మాత్రమే సత్యం, వాస్తవం గ్రహించగలవు.

• ఉదాహరణకు నేల పై  నిలబడి  ఒక సాధారణ కొండను చూస్తే,   కొండ ఎత్తుగా  కనిపించవచ్చు కానీ కొండ మీద  ఏమేమి  ఉన్నాయో తెలియవు.

  కానీ అదే నేల పై నిలబడి ,  కాసేపు కళ్లు మూసుకుని,   నేను ఇప్పుడు  ఈ కొండపై  నిలబడి ఉన్నాను,   అనే బలమైన సంకేతం  నీ  మనసు కి ఇచ్చినప్పుడు,   కొండపై ఉన్న అణువణువు స్పష్టంగా కనిపిస్తుంది, తెలుస్తుంది.

  దీని కోసం కొండ ఎక్కనవసరం లేదు.  కేవలం దృష్టి కోణం  మార్చుకుంటే సరిపోతుంది.

• ఇక్కడ  దృష్టి కోణం అనేది  ఊహ కాదు.  నువ్వు ఇదివరకే   ఎన్నో కొండలు  గత జన్మల లో గాని, ఒక ప్రయాణంలో గాని,  టి.వి సినిమా లలో   కానీ చాలా స్పష్టం గా  చూసి ఉంటావు.   కాకపోతే అది నీకు అనవసరం  అని  మరచిపోతావు అంతే.

• అదే విధంగా,  నీవు ఇది వరకే ఎన్నో జన్మలు ఎత్తావు.   ఎన్నో అనుభవాలను చవిచూసావు. కానీ ఒక జన్మ నుంచి   మరొక జన్మ కి రాగానే  అవి మర్చిపోతున్నావు. …  

కానీ కొన్ని సార్లు,   ఇదే విషయం పై  చాలా మంది కి  ఇలా అనిపిస్తూ ఉంటుంది...

ఈ సంఘటన ఇది వరకే ఎప్పుడో జరిగిపోయినట్లు, ఇంతకు ముందు ఎప్పుడో ఒక అంశం లో అనుభవం పొంది మాస్టర్ గా అయినట్లు అనిపిస్తుంది. …

 అవును అది నిజం. గత జన్మల లో అనుభవాలతో నువ్వు  ప్రావీణ్యం  సంపాదించిన అంశాలు, నేటి జన్మలో అవి నీకు  సునాయాసంగా అనిపిస్తాయి.

• చెప్పాలంటే, ప్రతి మనిషి జన్మ జన్మలు గా ఎన్నో ఎన్నెన్నో అంశాలలో అనుభవం, ప్రావీణ్యం సంపాదించి ఉంటాడు. వీటిని టాలెంట్స్ అని కూడా అంటారు. కానీ నేటి సమయ కాలం లో, అంటే ఈ లోకంలో ప్రస్తుతం కంటికి కనపడే దాని గురించే చూస్తూ ఆలోచిస్తూ ఉండడం వలన, నీలో దాగి ఉన్న అనుభవాలను నీ కోసం  నీవు ఉపయోగించుకోలేక అయోమయ స్థితిలో ఉంటున్నావు.

• మరి, నా హిడెన్ టాలెంట్స్ నాకు ఎలా తెలుస్తాయి అనుకుంటే …. రోజూ కొంత సమయం నీతో నువ్వు ఏకాంతం గా ఉండు, ఎవరి గురించి ఆలోచించ వద్దు. ఇంకా నీలో నువ్వు కొంత మాట్లాడం నేర్చుకో. … ఇది పిచ్చి తనం కాదు. నిన్ను విశ్వానికి అనుసంధానం చేసే దివ్యమైన విధానం. కానీ ఈ సమయంలో పూర్తిగా నిర్జనంగా ప్రశాంతంగా ఉండాలి.

• మనిషి, … నీవు ఒక శక్తి వి. ఆ విషయం మరచి, అది ఆలోచన చేయకుండా, ఈ మాయ లోకం లో పడి నిన్ను నువ్వు మర్చిపోయి , నువ్వు శక్తి కోసం ఇతరులపై లేదా సాధనాల పై ఆధారపడుతున్నావు.

• నీ లో అనేక జన్మల అనుభవం , అనేక అంశాల ప్రావీణ్యం   నిధి వలే దాగి ఉంది.  ఒక్కసారి దానిని, నేటి నీ జీవనానికి ఉపయోగించుకో , నువ్వు గొప్ప స్థితికి వెళ్లినా వెళ్లకపోయినా మాత్రం నీ ప్రస్తుతం ఉన్న స్థితి లో మంచి మార్పు వస్తుంది. …

• ఇదంతా కేవలం ఆలోచనల తో జరిగే అభ్యాసం. ఇకనైనా నీవు ఇప్పటి వరకు ఆలోచించే కోణం నుంచి ఒకింత పక్కకు జరిగి, లేదా ఎదురుగా వెళ్లి మరో కోణం లో ఆలోచించడం అలవాటు చేసుకో. ఇలా చేయడం వలన మూఢ నమ్మకాలు తొలగుతాయి, వాస్తవం తెలుస్తుంది.

• తెల్లని కాంతి ఒక ప్రిజం లో ప్రసరించేటపుడు, సప్త వర్ణాలుగా మారుతుంది. అదే విధంగా నీవు ఆలోచించే ఆలోచనలను ముందు శూన్య స్థితి వరకు తీసుకువెళ్ళు (అంటే మౌనం గా కళ్లు మూసుకుని, ఏ ఆలోచన లేకుండా ప్రతీ రోజు ఒక అరగంట గడపడం) అప్పుడు అక్కడ నుంచి, గత జన్మల  అనుభవాలతో నిల్వ ఉన్న ఆలోచనలు ప్రేరేపితం అయి, నీకు నీలో మరో కోణాన్ని పరిచయం చేస్తాయి. శూన్యం ద్వారా ఆరంభమైన  ఆలోచనలు సత్యమైనవి. నీ లోని అవకతవకలను  నీకు స్పష్టం గా తెలియచేస్తాయి. నిన్ను  నీ గమ్యానికి సులభంగా , తెలివిగా చేర్చేవి గా ఉంటాయి.

• మనిషి… ఒకసారి ఆలోచించు, ఈ జన్మలో నీవు 40, 50, 60 సంవత్సరాల వయసు తో ఎన్నో అనుభవాలు పొంది ఉంటావు. అదే నీవు, ఇదివరకే ఇలాంటి ఎన్నో జన్మలు తీసుకొని ఉన్నావు, అంటే నీ వయసు ఎన్ని వందల సంవత్సరాలో ఒకసారి ఆలోచించు… దానిని బట్టి, నీకు నీ జీవితం, భవిష్యత్తు పట్ల నీకు ఎంత అనుభవం ఉందో ఆలోచించు….

  ఆలోచిస్తే పోయేది ఏమీ లేదు.

• అంతా, నీ లోనే, నీ తోనే ఉంచుకొని అయోమయం గా , ఏమీ తెలియని తనంతో ఉన్న నిన్ను చూస్తుంటే బాధగా అనిపిస్తుంది.

యడ్ల శ్రీనివాసరావు

13 Jan 2025. 8:00 AM.

Tirumal express …

on the way to  my  school.

This is Saturn Ketu scenario.

583. సమరం సంబరం భావయుక్తం

 

సమరం సంబరం

• ఈ చలి     గాలుల   సమరం

  మనసు  మమత ల   సంబరం.

• మనసు    అంటుంది

‌  చలి   చలి  చలి   అని

• మమత    అంటుంది

  గిలి   గిలి  గిలి    అని.

• మనసు   మమత ల   కలయిక లో

  చలి  గిలి   ఏకమై  . . .  

  చేస్తున్నాయి 

  సమర   సంబరం

‌  ఇదే  . . ‌.  అమర   అంబరం.

• ఈ చలి    గాలుల    సమరం

  మనసు    మమత ల   సంబరం.

• మనసు    నేనై తే

  మమత    నా   మధువు.

• మధువు    నేనై తే 

  మమత   నా  మనసు.

• ఈ మంచు   పలకరింపు తో

  పులకరింపులు    మొదలైనాయి.

• ఈ పూల    పరిమళం   తో

  తపనలు    ఒకటైనాయి.

• తడిసిన    మనసు కి

  వెచ్చని   మమత    ఓ వరం .

• బిగిసిన    మమత కి

  చల్లని   మనసు   ఓ అనురాగం.

• రేయి   పగలు   ఎరుగని

  ఈ   సంగ్రామం   సూర్య  చంద్రుల

  ఆశీర్వాదం …

• ఇది   ప్రకృతి   పురుషుల

  మోహన    సమ్మోహనం.

• ఇది    సృష్టి   ఆగమన

  స్థితి   లయ   సంగమం.

 

• ఈ చలి     గాలుల   సమరం

  మనసు  మమత ల   సంబరం.

భావ యుక్తం 

• మనసు అంటే ఆలోచన . అది  ఉండేది  ఆత్మ లో.

• మమత   అంటే   ప్రేమ,  వాత్సల్యం.   వీటిని     వ్యక్తపరిచేది  దేహం.

• ఆత్మ లోని   ఆలోచన (మనసు) ,  దేహం లోని ప్రేమ, వాత్సల్యం  (మమత)  తో  కలిసినపుడు    యుద్ధం (సమరం),   సంతోషం (సంబరం)  రెండు  కలుగుతాయి. 

• ఎలా   అంటే ….

• కార్తీక మాసం లో.  శివ ఆరాధన, తరువాత  మాసం విష్ణు ఆరాధన  చేస్తారు.   పిదప  వైకుంఠ  (ఏకాదశి) దైవ  దర్శనం  జరుగుతుంది ….

• ఈ మాసాలు అన్ని  పూర్తిగా  చలి తో   ఉంటాయి. చలి, మంచు  అపారమైన  స్థాయిలో  ప్రకృతి పంచభూతాల   ద్వారా   భూమిని  తాకుతాయి.  ఈ కాలం లో  విశ్వశక్తి   జీవునికి   సమృద్ధిగా  లభిస్తుంది. తద్వారా  దేహం  ఉత్తేజం ( గిలి ) అయి,   దేహం లో  అంతర్గతం గా   ఉష్ణం ,  శక్తి  ఉద్భవిస్తుంది.

• వాతావరణం లో   ఉండే  శీతలం (చలి),  దేహం లో ఉండే  ఉష్ణం (గిలి ) తో ,  కలవడం వలన  ఒక శరీరం లో   అంతర్యుద్ధం (సమరం) జరుగుతుంది . దీనిని అనుభవించడం   ఓ సంతోషం  (సంబరం).

• స్వయం   నేనే   మనసుని   అని  భావిస్తే  మమతలు   అన్నీ   నాలో  తియ్యగా   ఉంటాయి.

• నాలో  ఉన్న  తియ్యదనం అంతా  నా  మనసు అని   భావిస్తే    నేనే   మమత గా   అవుతాను.

• మంచు తాకినపుడు  చల్లదనం వలన  మనసు  పులకరించి   ఆలోచనలు  శాంతియుతంగా  అవుతాయి.

• శీతాకాలంలో  పువ్వుల వాడి  పోకుండా  ఉండడం వలన  ఆ  పరిమళం తో   మనసు  ఆలోచన భావనలు   ఏకం  అవుతాయి.

• చల్లని   శాంతియుతంగా  అయిన  మనసు కి  ప్రేమ వాత్సల్యాలు   వెచ్చదనం   ఇస్తాయి.  ఇది ఒక వరం.

• అనుభూతి  లేని  వెచ్చని  వాత్సల్యం,   ప్రేమ కి   శాంతియుతమైన  మనసు    అనురాగం ఇస్తుంది.

• పగలు  రాత్రి  అని   కాలం తో   సంబంధం లేకుండా, సూర్యుడు  చంద్రుడు  యొక్క ఆశీర్వాదం తో జరిగే ...

ఈ మనసు,    మమతల   క్రియల ద్వారా  అనుభవించే   స్థితులు ,  అనుభూతి  చెందే    ప్రక్రియలు అన్నీ   కూడా   ఒక   దేహం లోనే  అంతరంగం లో  జరుగుతాయి.  ఇందులోనే  సమరం  సంబరం  ఉంటాయి.   మనసు,  మమత అనేవి   ఆత్మ   ప్రకృతి  ద్వారా   ఒకరిలోనే   చలనం  అవుతాయి. 

• ప్రకృతి  అంటే  పంచభూతాలు.

• పురుషుడు  అంటే   ఆత్మ.

• ప్రకృతి  పురుష మోహనం అనగా,  పంచభూతాలు ఆత్మ తో   అనుసంధానం  అవడం వలనే  ఈ సృష్టి లో     స్థితి    ప్రయాణం  ఎలా జరుగుతుందో తెలుస్తుంది.   అదే వైకుంఠానికి   దారి  చూపిస్తుంది.

ఇది అంతయు   ఒక దేహం యొక్క  అంతరంగం లో,  అంతర్గత ప్రయాణం లో   జరిగే   ప్రక్రియ.

యడ్ల శ్రీనివాసరావు 11 Jan 2025, 6:30 PM.

582. ఎవరు ఉంటే … ఎవరు లేకుంటే

 

ఎవరు ఉంటే … ఎవరు లేకుంటే

• ఎవరు    ఉంటే       ఏమి ఈశ్వరా

  ఎవరు   లేకుంటే    ఏమి ఈశ్వరా

  నీ  వుంటే    చాలు …

  నీ   తోడుంటే    చాలు.

• ఉన్న  వారందరూ    ఉత్తమోత్తమలు

  లేని    వారందరూ     లవలీనులు.

• కనులు   మూసిన   మరణం

  కనులు    తెరిచిన    జననం.

• నడి        మధ్య     నాటకం లో

  నలిగేటి    బ్రతుకు    ఎందుకో.

• జీవితం    ఓ నాటక   మని

  తెలిసాక   

  రంగు   పూసుకుని . . .

  రంగస్థల మెక్కి    ఏమి చేయాలి.

  ఈశ్వర   … పరమేశ్వరా …

• అడుగడుగు    నటనతో

  రక్తి    కట్టించాలి    ఆంటే ‌ . ‌. .

  మాయ కి    దాస్యం    చేయాలా.

  ఈశ్వర  …   పరమేశ్వరా…

• ఎవరు   ఉంటే     ఏమి

  ఎవరు  లేకుంటే   ఏమి

• నీ  వుంటే   చాలు …

  నీ   తోడుంటే   చాలు.

• పొంతన   లేని      ఈ  లోకం లో

  స్వాంతన తో     ఏమి     చేయాలి.

• స్వచింతన    లేని     జీవనం తో

  శాంతిని      ఎలా     పొందాలి.

• నీ  వెలుగు లో    విస్తారమై 

  నీ  ఒడి లో    శాశ్వతం    కావాలి.

• సూక్ష్మ దృష్టి తో   చూస్తున్న    

  నీ  అమర  సృష్టి ని

  తాకేటి    భాగ్యం    కావాలి.

• ఈశ్వర   …   పరమేశ్వరా…

  ఎవరు   ఉంటే    ఏమి

  ఎవరు   లేకుంటే   ఏమి

  నీ   వుంటే   చాలు  ...

  నీ   తోడుంటే    చాలు.

  ఈశ్వర ... పరమేశ్వరా ...

 లవలీనులు =    సత్య మైన   ప్రేమ   మూర్తులు.

 స్వాంతన   =  సత్త్వరజ తమో గుణాలనే వికారాల నుంచి విముక్తి చెందిన మనస్సు అని విశేషార్థం.

యడ్ల శ్రీనివాసరావు 9 Jan 2025, 8:00 PM

581. ఓ మనిషి మరచిపో

 

ఓ  మనిషి  మరచిపో

• ఓ మనిషి   మరచిపో

  పడిన   కష్టాలను   మరచిపో  . . . 

• ఓ మనిషి    మరచిపో

  పడిన    భంగపాట్లను    మరచిపో  . . .

• మరుపు    అనేది   వరం

  అది  తెలుసుకుంటేనే   ఘనం.

• హాయిగా   ఎగిరే   తుమ్మెద

  అనుకుంటుంది . . .

  ఈ భూమి    చాలా    సూక్ష్మమని.

  అది   నీకు   స్ఫూర్తి   కాదా . . .

• మెల్లగ    నడిచే    చీమ

  అనుకుంటుంది  . . .

  ఎదురేమున్నా    నాకేంటి   అని.

  అది   నీకు   స్ఫూర్తి   కాదా  . . .

• తుమ్మెద   చిన్ననైన  

  రెప రెపలతో     జీవిస్తుంది.

• చీమ   అల్పమైన  

  ఆత్మ విశ్వాసం తో  జీవిస్తుంది.

• నీ    సమయం    రాతిరై తే

  తిరిగి   పగలు  రాదా . . .

• నీ   సంకల్పం    బలమై తే 

  కొండ    పిండి   కాదా  . . .

• ఓ   మనిషి    మరచిపో

  పడిన   అవమానాలను   మరచిపో  . . .

• ఓ  మనిషి    మరచిపో

  పడిన    నిందలను    మరచిపో  . . .

• భాధలు     మరిచిన

  వానికి    ధైర్యమే     దైవం.

• బ్రతుకును     ఆస్వాదించే

  వానికి     మనసు    సంపూర్ణం.

• విశ్వం  లో       తారకి      వెలుగు    ఎందుకు.

  విధిరాత లో    డ్రామాకి    దిగులు    ఎందుకు.

• మరుపు     అనేది    వరం

  అది   తెలుసుకుంటేనే    ఘనం.

• ఈ   సృష్టిలో    నీ   కోసం

  వేచి    ఉంది    ఓ   శక్తి.

• అది    పొందడమే   

  నీ    జీవన    భుక్తి.

• మరచిపో  . . .   మరచిపో

  సర్వం   మరచిపో  . . . సమస్తం  మరచిపో.

  నిన్ను   నీవే    మరచిపో  . . .

• మరచిపో  . . .  మరచిపో

  సర్వం   మరచిపో  . . .  సమస్తం  మరచిపో.

  నిన్ను   నీవు   మరచిపో  . . .

యడ్ల  శ్రీనివాసరావు   7  Jan  2025   8:30 PM

580. ఎవరు ?

 

ఎవరు ?

• ఎవరివి  నీవు   …   ఎవరివి  నీవు

  ఎచట       నుంచి    వచ్చావు

  ఎచట కు    తిరిగి    వెళతావు 

  ఎవరివి   నీవు   …    ఎవరివి  నీవు

• నేటి    నీవు  . . .

  గతము లో    ఎవరవు ?

• నేటి    నీవు  . . .

  భవిత లో    ఏమౌతావు ?

• నీ   గతము కు     కొనసాగింపు

  నేటి    నీవేనని    తెలుసా.

• నీ    భవిత కు      బీజం

  నేటి    నీవేనని    తెలుసా.

• జననం    మరణం . . .

  కాలం లో   నీ   పయనం.

• జీవన    చక్రం

  నీ  కర్మల     వయనం.

• నేటి     బంధాలు

  నీ గత   జన్మల   బుణాలు.

• అవి   తీరనంత   వరకు

  జీవన్ముక్తి     లేదు.

• నేటి    సుఖ  దుఃఖాలు

  నీ  గత కర్మల    ఫలితాలు.

• వాటికి      అతీతం 

  అవటమే    జీవన్ముక్తి.

• ఎవరివి   నీవు    …    ఎవరివి   నీవు

  ఎచట       నుంచి    వచ్చావు

  ఎచట కు    తిరిగి    వెళతావు

  ఎవరివి    నీవు   …    ఎవరివి   నీవు.

• ఆది   యే    శివం

  అంత్య మే    వినాశనం

• నడి   మధ్య    నడిచేది

  అంతా  మాయ   మిథ్య.

 

• శివుని తో    ధ్యానం   చెయ్యి

  నీ   జన్మ     మూలం    తెలియును.

• శివుని తో    యోగం   చెయ్యి

  నీ  పాపాలు    దగ్దం     అవును.

• శివుని   ధ్యాన   యోగమే

  జ్ఞానము   పొందే    మార్గం.

• అదే   . . .   అదే  . . .

• నీవెవరో    . . .   నీవెవరో 

  నిన్ను   నీకు   తెలియ  చేయును.

• అనుభవాల    కలిమి తో

  సాక్షి   భూతం   అవును.

• ఎవరివి  నీవు   …   ఎవరివి  నీవు

  ఎచట   నుంచి    వచ్చావు

  ఎచట కు    తిరిగి   వెళతావు

  ఎవరివి  నీవు   …   ఎవరివి   నీవు.

యడ్ల శ్రీనివాసరావు   6 Jan 2025 7:15 PM.

579. బొమ్మరిల్లు

 

బొమ్మరిల్లు

• బొమ్మరిల్లు    బొమ్మరిల్లు

  బొమ్మలు   లేని   కమ్మరిల్లు    మా  ఇల్లు.

• కుందనపు   బొమ్మలాంటి    

  అమ్మ తో   

  భాగ్యమైన    ఇల్లు.

• చందనపు    కొమ్మలాంటి    

  నాన్న తో    

  పరిమళం  నిండిన    ఇల్లు.

• బొమ్మరిల్లు     బొమ్మరిల్లు

  బొమ్మలు   లేని   కమ్మరిల్లు   మా  ఇల్లు.

• చిరు నవ్వుల     దీపం    మా  అమ్మ

  ఆ   వెలుగుకి     రూపం   మా  నాన్న.

• అమ్మానాన్న ల      ఆనందాలు

  మాలో    ధైర్యం   నింపే    వరాలు.

• బొమ్మల    పాత్రలు    మే మైనాక

  బొమ్మల    కొలువు   ఎందుకు.

• మట్టి   మనుషులం     మే మైనాక

  గట్టి      బంధాలు     ఎందుకు.

• బొమ్మరిల్లు     బొమ్మరిల్లు

  బొమ్మలు   లేని   కమ్మరిల్లు    మా   ఇల్లు.

• కుందనపు   బొమ్మలాంటి    

  అమ్మ తో     భాగ్యమైన    ఇల్లు.

• చందనపు    కొమ్మలాంటి   

  నాన్న తో    

  పరిమళం  నిండిన   ఇల్లు.

• కాయ   కష్టం తో

  కడుపు   నింపేటి   నాన్నకి . . .

• అధిక    ఇష్టం తో

  ప్రేమ    ఇస్తుంది   మా   అమ్మ.

• వెన్న లాంటి    మనసులు   మావి

  వెన్నెల  నే      కురిపిస్తాం.

• మన్ను లాంటి    బ్రతుకులు    మావి

   మైనం  లా      కలిసుంటాం.

• గిరులు   నిండిన   సిరులు

  మా    ఆత్మీయతలు.

• మసక   బారని    వెలుగులు

  మా   సంతోషాలు.

• బొమ్మరిల్లు     బొమ్మరిల్లు

  బొమ్మలు    లేని   కమ్మనిల్లు    మా  ఇల్లు.

కమ్మరిల్లు = తాటాకుల పూరిల్లు.

యడ్ల శ్రీనివాసరావు 5 Jan 2025, 7:30 PM

578. ప్రేమ సంజీవని

 

ప్రేమ సంజీవని

• ప్రే   అంటే   ప్రేరణ  కాదు

‌  మ  అంటే  మరపు  కాదు.

• ప్రేమంటే    జీవి కి     ఓ సంజీవని.

  ప్రేమంటే   మరణం లేని   అమృతదాయని.

• ప్రేగు  తోని     పాశము

  ప్రేమ కి     తొలి    చిగురు.

• చనుబాల   ధారణ తో

  అది    వికసించేను.

• సృష్టి   స్థితి   లయ  ల   

  వారధి  యే   ప్రేమ.

• అది   తెలియక   పోవడమే    దుఃఖం.

• ప్రేమ   నీ బలహీనత   అయితే

  విశ్వం    నిన్ను    ప్రేమిస్తుంది.

• ప్రేమ    నీ  బలము    అయితే

  సృష్టి నే    నీవు    ప్రేమిస్తావు.

• ప్రేమంటే     పెళ్లి    కాదు.

  ప్రేమంటే    ఇంద్రియ సుఖము   కాదు.

• ప్రేమ  లోని   గారాలన్నీ 

  శృంగారం    కాబోవు.

• ప్రేమ లోని    భావాలన్నీ

  రతిభావన    కాబోవు.

• ప్రేమంటే    లింగ మోహం   కాదు.

  ప్రేమంటే    కామ   వికారం   కాదు.

• ప్రేమ       లేని      జీవం       ఓ   పిశాచం.

  ప్రేమించ   లేని      ప్రాణం     ఓ   కాష్టం.

• నీ    సంతోషానికి    మూలం    ప్రేమ.

  నీ     దుఃఖానికి       వెలుగు     ప్రేమ.

• ప్రే   అంటే   ప్రేరణ    కాదు

  మ  అంటే   మరపు  కాదు.

• ప్రేమంటే    జీవి కి     ఓ సంజీవని.

  ప్రేమంటే   మరణం లేని   అమృతదాయని.

• ప్రేమంటే      నిను    నడిపించే     దైవం.

  ప్రేమంటే     జనన   మరణాల    అతీతం.

• మనిషి   ఉన్నా  …   లేకున్నా

  ప్రేమ     జీవం   ….   ప్రేమ  దైవం.

• అది    పుణికిపుచ్చుకున్న

  జీవి యే    చిరంజీవి.

స్వార్థం   లేని    ప్రేమ   

సత్యమైన   మనసులో   స్థిరమైనచో 

సంతోషం  ఇస్తూనే  ఉంటుంది.

యడ్ల శ్రీనివాసరావు 4 Jan  2025  3:30 PM