పొదరిల్లు
• సరదా సరదా కుటుంబం
ఆటా పాటల ఆనందం.
• అమ్మానాన్న ల ఆత్మీయం
సమతల మమతల సంతోషం.
• అమ్మ లోని చిరు నవ్వు
మా ఇంటి హరివిల్లు.
• నాన్న లోని నడవడిక
మా ఇంటి దిక్సూచి.
• రాగాలొలికే మా అనురాగాలు
అంబరాలు దాటే ను.
• గారాలొలికే మా ప్రేమగారాలు
సంబరాలు చేసే ను.
• సరదా సరదా కుటుంబం
ఆటా పాటల ఆనందం.
• అమ్మానాన్న ల ఆత్మీయం
సమతల మమతల సంతోషం.
• అమ్మ చేతి ముద్దలు
జన్మ జన్మల అమృతం.
• నాన్న చేతి గుద్ధు లు
కేరింతల కవ్వింపులు.
• ఇలలో మా ఈ బృందావనం
ఏ కలలో కానరాని సుందరం.
• ప్రేమలు నిండిన మా కుటీరం
ఏ సిరులు తూగని ఐశ్వర్యం.
• పెనవేసుకున్న పరిమళం
అమ్మ నాన్న ల బంధం.
• ఆ పరిమళం తో వికసించిన
పువ్వులం మా సోదరులం.
• అమ్మ లాలన లో మంచు పిల్లలం
నాన్న పాలన తో కంచు మోగిస్తాం.
• సరదా సరదా కుటుంబం
ఆటా పాటల ఆనందం.
• అమ్మానాన్న ల ఆత్మీయం
సమతల మమతల సంతోషం.
యడ్ల శ్రీనివాసరావు 3 Jan 2025
6:30 PM.
.jpeg)
No comments:
Post a Comment