మిత్ర సత్యాలు
• మేలుకో మిత్రమా మేలుకో
ఇకనైనా మేలు కోరే మిత్రుని ఏలుకో.
• మంచిచెడులు మరచి
అందరు మానవారనుకుంటే
• చెడును హారం గా చేసి
నిను ఆహారం చేసే వారుంటారు.
• మేక వన్నె పులులు అడవిలో లేవురా.
ఈర్ష్య ద్వేషాల ముసుగులో
మనతోనే ఉన్నాయి రా.
• మానవులందరి రూపు ఒకటే అయినా
మనసునందలి రేఖలు వేరు నాయినా.
• ఉనికి కోసం నీ చెంత చేరిన వారే
ఉనికి మరచి నిను ఉరి తీస్తారు.
• మేలుకో మిత్రమా మేలుకో
ఇకనైనా మేలు కోరే మిత్రుని ఏలుకో.
• ఒకరికి మంచి మిత్రుడి గా నిలవాలంటే
నీ లో లోని శత్రువులను విడనాడు.
• జీవన చదరంగం లో చెదలా ఉండకు
నైతిక నవరంగం తో సుధలా ఉండు.
• ప్రతి ఒక్కరు నేర్పేది పాఠం.
ఎరుగకపోతే అదే నీకు గుణపాఠం.
• మసిపూసిన మనసులతో మనిషిలెందరున్నా
కన్నీటి మసక తుడిచే మనుషులే మిన్న.
• నీ అవసరానికి
ఒకడు మిత్రుడు కాడు … రాడు.
• ఒకరి అవసరానికే
నీవే మిత్రుడివి కావాలి.
• ఆచరించి చూడు అవసరాలను....
మరిపించే మిత్రులు నీకే సొంతం.
• ప్రేమను పంచడం తెలుసుకో
ప్రేమించడం ఇతరులు తెలుసు కుంటారు.
• మేలుకో మిత్రమా మేలుకో
ఇకనైనా మేలు కోరే మిత్రుని ఏలుకో.
• మిత్రుడంటే మోహం కాదు …
మిత్రుడంటే స్నేహం
• మిత్రుడంటే ప్రేమే కాదు …
మిత్రుడంటే రక్ష.
• మిత్రుడంటే సహాయమే కాదు ...
మిత్రుడంటే మనిషి.
• మిత్రుడంటే బానిస కాదు ...
మిత్రుడంటే హక్కు
• ఎవరికెవరు శాశ్వతం కాదు ...
అనేది మరణం తరువాతే.
సుధ = అమృతం, పాలు, ఇటుక
యడ్ల శ్రీనివాసరావు 4 May 2022 , 12:30 AM.
.jpeg)
No comments:
Post a Comment