191. మధురమైన రోజు ….మరపు రాని రోజు

 

మధురమైన రోజు ….మరపు రాని రోజు

• మధురమైన రోజు 

  మరపు రాని రోజు

• జన్మకు ఒక రోజు

  అదే జీవితానికి అర్థం తెలిసిన రోజు.

• పడిలేచే బాల్యం 

  పలకలతో గడిచింది.

• కలలు కన్న కౌమారం 

  కలవరమై కరిగింది.

• ఉప్పొంగే యవ్వనం 

  ఉరకలతో పొర్లి పారింది.

• రంగుల జీవితం 

  ఆశల హరివిల్లు తో నిండింది.

• మధురమైన రోజు

  మరపు రాని రోజు.

• జన్మకు ఒక రోజు

  అదే జీవితానికి అర్థం తెలిసిన రోజు.

• పడిలేచే మనసులతో 

  జీవన పయనమే సాగింది.

• మనసులు మను‌షులు 

  ఒకటి కాదని కాలమే చెప్పింది.

• ఆటపాట లాశలన్ని 

  ఆటుపోటులు అయ్యాయి.

• దిశ లేని ఈ తార వెలుగు 

   అడవి పాలయ్యింది.

• మధురమైన రోజు రానే వచ్చింది.

• మరపురాని రోజు అవనే అయ్యింది.

• పరమాత్ముని అంశ 

  ఆ రోజు  ఈ తారనే తట్టింది.

• దిశ లేని తారకి 

  ఆ సుదర్శనమే  దశ  అయ్యింది.

• కర్మ బంధనాలు అన్నీ 

  బుణపాశములని చెప్పింది.

• నిదురించే ఆత్మను 

  మేలుకొలుపు చేసింది.

• చీకటి లో నీడను 

  చూసే భాగ్యమే కలిపించింది.

• మధురమైన రోజు 

  మరపు రాని రోజు

• జన్మానికి ఒక రోజు

  అదే జీవితానికి అర్థం తెలిసిన రోజు.

యడ్ల శ్రీనివాసరావు 30 May 2022 9:00 PM.