తల్లి తండ్రులు
• తల్లి వి నీవు …. తండ్రి వి నీవు
• తల్లి తండ్రి లై పిల్లలను ప్రేమించే సృష్టి కర్తలు మీరు.
• సకల జనుల సుఖమును కోరేటి ఆలుమగలు మీరు.
• మనసున కొలువై మమతలు మేలు కొలిపే ఆది దంపతులు మీరు.
• తల్లి వి నీవు ….. తండ్రి వి నీవు
• తల్లి తండ్రి లై పిల్లలను ప్రేమించే సృష్టి కర్తలు మీరు.
• స్వార్థమనే సముద్రం లో మా బుద్ది నంతా లవణం చేసాము.
• ఈర్ష్య, ద్వేషాల నే ప్రమిదలు వెలిగించి మా కళ్లకు నైవేద్యంగా పెట్టాము.
• అసూయ, క్రోధాలను హారాలు గా మా దేహానికి అలంకరించాము.
• మానవ జన్మ అంటేనే మాయకు సోపానమనే జీవనం లో ఆరితేరాము.
• కన్ను మిన్ను కానకుండ సేవను మరచి సేవించడం నేర్చుకున్నాము…. ప్రగతి పథంలో పయనిస్తున్నాము.
• తల్లి తండ్రులైన మిమ్ము చూస్తూనే ఉన్నాము…ధనమును హుండీలో వేస్తూనే ఉన్నాము.
• పండుగ పబ్బాలకి మీకు సంబరాలు చేస్తున్నాము…మేము పబ్బుల్లో కేరింతలు కొడుతున్నాము.
• మీరు చేయలేని పనులెన్నో చేసి మేము చూపిస్తున్నాము….
• చావు చెంత చేరినాకే మీరు శివపార్వతుల ని తెలుసు కుంటున్నాము.
• తల్లి వి నీవు …. తండ్రి వి నీవు
• తల్లి తండ్రి లై పిల్లలను ప్రేమించే సృష్టి కర్తలు మీరు.
• జ్ఞాన అజ్ఞానములు ఎరుగక అంధకారమైన లోకంలో దిక్కు లేని పిల్లలం మేము.
యడ్ల శ్రీనివాసరావు 1 June 2022 , 12:30 pm
.jpeg)
No comments:
Post a Comment