బతుకు బాట
• బతుకు బాట లో
ఎన్ని వంపులో, ఎన్ని సొంపులో
• నడక నేర్చిన పాదము నిధానమే అయినా
నడిచే బాటలో ఎన్ని గుంతలో
• గుంతలు దాటినా, వంపులు ఎరుగని
మనసుకి గంతలు భారమే అయ్యేను.
• బతుకు బాట లో
ఎన్ని వంపులో, ఎన్ని సొంపులో
• సొంపులు నిండిన దేహము అందమే అయినా
ఆశల బాటలో ఎన్ని నిరాశలో
• నిరాశలు దాటినా సొంపులు తెలియని
వయసుకు ఆశలే భారము అయ్యేను.
• బతుకు బాట లో
ఎన్ని వంపులో ఎన్ని సొంపులో
• బాటలో బాటసారులు
సేద తీర్చే సూత్రధారులయితే
• బతుకు పయనం
ఎంతో అలసట లేని వయనం
• బాటలో ఆటుపోటులు
యుక్తి నిచ్చే ఆటపాటలయితే
• బతుకు గమనము
ఎంత దూరమైన సుగమనం
• బతుకు బాట లో
ఎన్ని వంపులో ఎన్ని సొంపులో
• వంపులు సొంపులైనా
సొంపులు వంపులైనా
• సాగే బతుకు కి జీవముంటే
చేరే గమ్యమే బతుకు సార్థకం.
యడ్ల శ్రీనివాసరావు 12 June 2022 9:00 pm
No comments:
Post a Comment