రాతలు – తల రాతలు
• రాతలు రాసే వాడున్నాడా…
• నీ తలరాతను మార్చే వాడున్నాడా.
• రేఖలు గీసే వాడున్నాడా…
• నీ చేతి రేఖలు దిద్ధే వాడున్నాడా.
• ఉంటే ఏడ ఉన్నాడు….కంటే ఏడ దాగున్నాడు.
• ఓ మనిషి…..అమాయకపు మనిషి.
• సుఖము సందడి లో అంతా నేనేనంటావు.
• దుఃఖదారిద్య్రం లో నాకేమీ తెలియదంటావు.
• కర్త వు నీవు… కర్మ వు నీవు….క్రియ వు నీవే…
• ఆ ఫలితమే నేటి నీ జీవితం.
• ఓ మనిషి….. తెలుసుకో… తెలుసుకో
• జ్ఞానం తెలుసుకో…అజ్ఞానం మరచిపో
• చేసిన కర్మలు నీవే అయితే ….
• ఆ కర్మలే నీ రాతలు… తలరాతలు.
• చేసిన చేతలు నీవే అయితే
• ఆ ఫలితాలే నీ గీతలు…. అరచేతి గీతలు.
• రాతలు రాసే వాడున్నాడా…
• నీ తలరాతను మార్చే వాడున్నాడా.
• రేఖలు గీసే వాడున్నాడా…
• నీ చేతి రేఖలు దిద్ధే వాడున్నాడా.
• ఉన్నాడు…ఒకడున్నాడు.
• నీలోనే ఉన్నాడు…. నీతోనే ఉన్నాడు.
• అది నువ్వే…అది నువ్వే…
• ఓ మనిషి అది నువ్వే
• నిన్ను నువ్వు తెలుసుకో…
• నీ రాతనే తిరగ రాసుకో.
• నిన్ను నువ్వు చూసుకో…
• నీ రేఖనే సరిదిద్దుకో.
• శాశ్వతం కాని దేహమే కర్మ చేసినా…
• శాశ్వతమైన ఆత్మయే ఫలితం మోస్తుంది.
• ఓ మనిషి….. తెలుసుకో….తెలుసుకో
• జ్ఞానం తెలుసుకో…అజ్ఞానం మరచిపో.
• ఓ మనిషి…. తెలుసుకో…తెలుసుకో
• నీ వోక ఆత్మవని తెలుసుకో.
• దేహం విడిచి పోవాలని తెలుసుకో
• శ్రేష్ట కర్మలను ఆచరించడం నేర్చుకో
• జన్మాంతరాల వేదనను కరిగించుకో.
• నీ ఆలోచనలే నీ కర్మలు
• నీ కర్మలే నీ తలరాతలు.
• పరమ సత్యమే ఇది
• పరమపిత తెలిపే జ్ఞానమిది.
యడ్ల శ్రీనివాసరావు 29 June 2022 10:00 PM.
.jpeg)
No comments:
Post a Comment