201. మందారం

 

మందారం

• నవ్వుతోంది…నవ్వుతోంది…

• ఒక మందారం నవ్వుతోంది.

• మకరందం నిండిన మందారం

• ముసి ముసి గా నవ్వుతోంది…

• ఊగుతోంది…వయ్యారం వలకపోస్తుంది.

• అలసి సొలసిన మందారం ఓ నాడు…

• ఎగసి ఎగసి ఎదురు చూస్తుంది.

• ఎందుకోసమో…. దేనికోసమో.

• అంతనే ఒక తుంటరి తుమ్మెద

• మందారాన్ని చూసెను….మోహించెను.

• మకరందం కోసం దరి చేరెను.

• మురిసిన మందారం…పులకరించెను…

• పలకరించెను….తుమ్మెదను ప్రేమించెను…

• ఆ ప్రేమే వికసించెను.

• అరవిరిసిన మందారం

• సిగ్గులోలకబోస్తుంది….సిత్రాలు సూస్తుంది.

• నవ్వుల ముత్యాలు తుమ్మెద కై దారబోస్తుంది.

• నవ్వుతోంది…నవ్వుతోంది…

• ఒక మందారం నవ్వుతోంది.

• మకరందం నిండిన మందారం

• ముసి ముసి గా నవ్వుతోంది..

• ఊగుతోంది….వయ్యారం వలకపోస్తుంది.

• తోటమాలి చూపుతో ఓ నాడు

• ముద్దులొలికె మందారం మగువ సిగలో చేరేను.

• అది తెలియని తుమ్మెద

• వనమంతా తిరుగుతూ మందారం కై వెతికెను.

• మదనపడిన తుమ్మెద

• తుదకు మందారం కై శ్వాస విడిచెను.

• ఆ ప్రేమే వికటించెను.

యడ్ల శ్రీనివాసరావు 24 June 6:00 pm