185. అందం_మకరందం

 

అందం_మకరందం

 జీవితమే అందం

• నేను…..

• ఎగిరే తుమ్మెద నైతే  ఎద కేమి భారం.

• నడిచే హంస నైతే    నగవు కేమి రోగం.

• పలికే కోకిల  నైతే    ప్రేమ కేమి భావం.

• విరిసే నెమలి నైతే   అందాని కేమి శోకం.

• ఒదిగే పాలపిట్ట నైతే  సంతోషాని కేమి లోపం.

• ముసిరే గోరింక నైతే  ఆలింగనాని కేమి తాపం.

జీవనమే మకరందం

• రంగుల పువ్వుల రాజసం….

• రసరంజన జీవన పోషకం.

• పచ్చని పొలాలు సౌందర్యం…

• కనువిందున సొంపైన సౌభాగ్యం.

• ప్రకృతి సెలయేరుల సామ్రాజ్యం…

• మదితలపున పరవళ్లాడే ఉల్లాసం.

• ఎగిరే కొంగల సమూహం…

• అదిరే పెదవులకు దరహాసం.

• కిలకిల పక్షుల శ్రావ్యాలు…

• సన్నని నరముల నాట్యానికి తకదిమిలు.

• హరివిల్లు ను విరిసే రంగులు…

• మేని ఛాయన ప్రకాశించే కాంతులు.

• వనమున ఊగే ఊడలు…

• హొయలాడే చెలి జఘనములు.

యడ్ల శ్రీనివాసరావు 25 May 2022, 1:30 am.