నరుడా ఓ నరుడా
.jpeg)
• నరుడా ఓ నరుడా
ఎత్తిన జన్మము ఎక్కడది …
చేసిన కర్మము ఎప్పటిది.
• సుఖము సుఖమని వెతుకుతావు
దుఃఖం తోనే ఉంటావు.
• ధనము ధనమని పరుగెడుతావు
దీనుడివై దిక్కులు చూస్తుంటావు.
చివరకు ఒత్తిడి తోనే చాలిస్తావు.
• నరుడా ఓ నరుడా
వచ్చిన మార్గము ఎన్నవది …
చేసిన సంచితము ఎప్పటిది.
• ముక్తి ముక్తి అని అంటావు ...
నీ మూలమేమిటో మననం చేయవు.
• భక్తి భక్తి అని దేవులాడుతావు ...
కోరికల తోనే వ్యాపారం చేస్తావు.
చివరికి దేవుడికి వాటాలు ఇస్తావు
• నరుడా ఓ నరుడా
ఇచ్చిన భోగం ఎక్కడిది …
చెప్పిన జ్ఞానం ఎవరది.
• దేహము దేహము అంటావు ...
దేహభిమాని వై ఉంటావు.
• చివరకు నీ ఆత్మనెరుగక ...
దేహి దేహి అంటావు.
• నరుడా ఓ నరుడా
చింతలు చింతలు అంటావు ...
చితిలో చిందులు తొక్కుతు ఉంటావు.
• మౌనము లోనే చింతకు ...
పరిష్కారం దాగి ఉందని తెలుసుకోలేవు.
• గూడు గూడు అని అంటావు ...
మేడలు మిద్దెలు కడతావు.
చివరికి నీ ఎముకల గూడు ను దాచుకోలేవు.
యడ్ల శ్రీనివాసరావు 23 May 2022 , 10:30 AM.
.jpeg)
No comments:
Post a Comment