Monday, March 20, 2023

327. విద్యార్థి ఆశయాలు

 

విద్యార్థి ఆశయాలు 



• ఓ విద్యార్థి    ఏది     నీ జీవిత రహదారి

 ఆశయాల  సాధనలో   అపజయాలు పాదరక్షలు.

• గడిచే   కాలం   తోడుంటే

  నీ  పయనం   అనంతం.

  దిక్కుల  సాయం   లేకుంటే

  ఈ విశ్వం   నీ  గమ్యం .


• ఓ విద్యార్థి    ఏది     నీ  జీవిత రహదారి

  ఆశయాల సాధనలో    అవమానాలు   అక్షింతలు.

• బాధ   ఊపిరి   అయినంత నే

  సాగదా  ప్రయాణం   కొనసాగదా.

  ఓటమి   ఎరిగిన   బాట లో

  ఉండదా   తడబాటు   ఉండదా.


• ఓ విద్యార్థి    ఏది    నీ  జీవిత రహదారి

  ఆశయాల  సాధనలో    దుఃఖాలు  దీవెనలు.

• కన్నీరు తో    నిండిన   గుండెకు

  దాహంతో    పని    ఏముంది.

  తపన తో    వేసే    అడుగుల కి

  ప్రతాపం తో    అవసర  మేముంది.


• ఓ విద్యార్థి    ఏది     నీ  జీవిత  రహదారి

  ఆశయాల  సాధనలో    అందరిలో  ఒంటరివి.

• అస్పష్టం    ఆవిరి   అవుతూ 

  నిష్పక్షం     నీడై     ఉంటుంది.

  దురదృష్టం   దగ్గర    కొచ్చి న 

  అదృష్టం   నీ లో నే    పుడుతుంది.


• ఓ విద్యార్థి    ఏది    నీ జీవిత రహదారి

  ఆశయాల  సాధనలో   జీవితం   ఓ మజిలీ

• ఆశయాలు   ఆశలు         అయితే

  సంకల్పాలు    శుభ  శక్తి    మయం.

  ఆశయాలు     అత్యాశలు  అయితే

  సంకల్పాలు    దుఃఖ  మయం.


యడ్ల శ్రీనివాసరావు 20 March 2023 9:00 PM






No comments:

Post a Comment

481. పరిమళ భాష

  పరిమళ భాష • ఏమిటో     ఈ  భాష   ఎద కే    తెలియని   ఆశ.   అనుభవం  లేని   యాస   సృష్టి   మూలానికి    శ్వాస. • అక్షరాలు   ఉండవు  కానీ   భావం ...